मुंबई : राज्याच्या राजकारणातील एक मोठी बातमी समोर आलीय. शिवसंग्राम पक्षाचे दिवंगत अध्यक्ष विनायक मेटे यांचा अत्यंत जवळचा सहकारी असलेले शिवसंग्राम युवकचे प्रदेशाध्यक्ष उदय आहेर यांनी एक मोठा गौप्यस्फोट केलाय.उदय आहेर यांनी आपल्या पदाधिकारी आणि कार्यकर्त्यांसह थेट मुख्यमंत्री एकनाथ शिंदे यांच्या गटात जाण्याचा निर्णय घेतलाय. सगळ्या पदाधिकाऱ्यांची मुख्यमंत्री एकनाथ शिंदे आणि मंत्री उदय सामंत यांच्यासोबत बैठक झालीय”, असा गौप्यस्फोट उदय आहेर यांनी केला.
उदय आहेर गेल्या अनेक वर्षांपासून शिवसंग्राम पक्षासोबत काम करत आहेत. पण शिवसंग्रामचे प्रदेशाध्यक्ष तानाजी शिंदे यांच्यासोबत उडालेल्या खटक्क्यांमुळे त्यांनी आपल्या पदाधिकारी आणि कार्यकर्त्यांसह थेट मुख्यमंत्री एकनाथ शिंदे यांच्या गटात जाण्याचा निर्णय घेतला असल्याचे बोलले जात आहे. वसंग्राम पक्षातील जवळपास 90 टक्के पदाधिकारी आणि कार्यकर्ते आपल्यासोबत शिंदे गटाला पाठिंबा दर्शवणार असल्याची माहिती खुद्द उदय आहेर यांनी दिलीय.
“विनायक मेटे यांच्या निधनानंतर शिवसंग्राममध्ये नेतृत्वाची खूप मोठी पोकळी निर्माण झालीय. फक्त शिवसंग्रामच नाही तर इतरही मराठा समाज आणि बारा बलुतेदार समाजासाठी विनायक मेटे यांचा आधार होता. त्यांच्या निधनानंतर खूप मोठी पोकळी निर्माण झालीय”, असं उदय आहेर म्हणाले.
“मुंबईत खूप मोठा मेळावा घेऊन आम्ही आमचं शिंदे गटाला समर्थन जाहीर करणार आहोत. त्यामुळे तानाजी शिंदे काय बोलतात या गोष्टीला आम्ही फार महत्त्व देत नाहीत”, अशी प्रतिक्रिया उदय आहेर यांनी दिली.
