भुसावळ : राज्याचे उपमुख्यमंत्री अजित पवार आज जिल्हा दौऱ्यावर आले असून भुसावळ येथे त्यांच्या उपस्थित तब्बल २२ नगरसेवक राष्ट्रवादीत प्रवेश करणार आहे. यामुळे आगामी काळात पालिकेत समीकरणे बदलणार आहेत. माजी मंत्री एकनाथराव खडसे यांच्या नेतृत्वावर विश्वास ठेवून हे नगरसेवक राष्ट्रवादीत प्रवेश करणार असल्याने कोणत्या पक्षात खिंडार पडेल हे कळणार आहे.
उपमुख्यमंत्री अजित पवारत्यांच्या उपस्थितीत भुसावळात विविध कार्यक्रम होत आहेत. भुसावळ शहरात विविध विकासकामांचे उद्घाटन व लोकार्पण त्यांच्या हस्ते होत आहे. यावेळी जुना सातारा भागातील सरदार वल्लभभाई पटेल यांच्या पुतळ्याचे लोकार्पण होणार आहे.
शहरातील आरपीडी रोडवरील डॉ.बाबासाहेब आंबेडकर मैदानावर दुपारी एक वाजता राष्ट्रवादीचा कार्यकर्ता मेळावा होणार आहे. या मेळाव्यात भुसावळ शहर विभागातील पदाधिकार्यांचा पक्ष प्रवेश होणार आहे. भुसावळ शहरातील 18 विद्यमान तर चार माजी नगरसेवक यावेळी राष्ट्रवादीत प्रवेश करतील, असे संकेत आहेत. तब्बल 22 नगरसेवक हातावर राष्ट्रवादीचे घड्याळ बांधणार असल्याने आगामी काळात पालिकेत समीकरणे बदलणार आहेत.
लोकार्पण सोहळ्यास सर्वपक्षीय पदाधिकार्यांची उपस्थिती
लोकार्पण सोहळ्याला जिल्ह्याचे पालकमंत्री गुलाबराव पाटील, माजी मंत्री एकनाथराव खडसे, खासदार रक्षा खडसे, आमदार संजय सावकारे आदींची प्रमुख उपस्थिती असणार आहे. या कार्यक्रमास उपस्थितीचे देण्याचे आवाहन नगराध्यक्ष रमण भोळे, उपनगराध्यक्ष राजेंद्र नाटकर व मुख्याधिकारी संदीप चिद्रवार यांनी केले आहे.
