मुंबई : दोन वर्षांपूर्वी ज्येष्ठ नेते एकनाथ खडसे यांनी भाजपला सोडचिट्टी देत राष्ट्रवादी काँग्रेसमध्ये प्रवेश केला होता. दरम्यान, आता राष्ट्रवादीने एकनाथ खडसे यांना विधान परिषदेची उमेदवारी देखील आहे. त्यामुळे खडसे यांचे तब्बल तीन ते चार वर्षानंतर राजकारणात पुनरागम होणार का? हे उद्याच स्पष्ट होणार आहे.
दरम्यान, विधान परिषदेच्या निवडणुकीपूर्वी एकनाथ खडसे यांनी किंगमेकर बहुजान विकास आघाडीचे नेते हितेंद्र ठाकूर यांची भेट घेतली. कालच भाजप नेते गिरीश महाजन आणि भाजपचे विधान परिषदेचे उमेदवार प्रवीण दरेकर यांनीही हितेंद्र ठाकूरांची भेट घेतली. त्यानंतर आज एकनाथ खडसेंनी विरार येथे जाऊन ठाकूरांची भेट घेतली. यावेळी दोघा नेत्यांमध्ये जवळपास ४० मिनिटे संवाद रंगला. बैठकीनंतर एकनाथ खडसे यांनी प्रसारमाध्यमांशी संवाद साधला.
मी भाजपमध्ये असताना अनेकांना मदत केलीय. कुणाला तिकीट देण्यासाठी, कुणाला मंत्रिपद देण्यासाठी तर कुणाला गरज लागेल तेव्हा मदत केली. त्यामुळे भारतीय जनता पक्षात माझे दोनच नाही तर अनेक समर्थक आमदार आहेत. पण पक्ष सोडून ते मला मतदान करतील असं मला वाटत नाही, असं खडसे म्हणाले. माझे समर्थक असले तरी भाजपचे आमदार मला मतदान करतील, असं मला वाटत नाही, असं म्हणत खडसेंनी विरोधी पक्षनेते देवेंद्र फडणवीस यांचं टेन्शन कमी केलं.
हे पण वाचा :
तेरा घमेंड तो चार दिन का है पगळे, संजय राऊतांनी नेमका कुणावर हाणला टोला
दुर्दैवी घटना ! झोका तुटल्याने दीड वर्षाच्या चिमुकलीचा मृत्यू
‘ही’ बँक बचत खात्यावर ग्राहकांना देतेय सर्वाधिक व्याज ; जाणून घ्या
सेक्सच्या वेळी डोळ्यावर पट्टी बांधायचा, नंतर कळलं तो ‘तो’ नव्हेच, ही तर पोट्टी
भारतीय जनता पक्षातील अनेक आमदार माझ्यावर मनापासून प्रेम करतात. पण शेवटी पक्ष महत्त्वाचा असल्याने पक्ष सोडून ते मला मतदान करतील, असं मला वाटत नाही. भलेही मी त्यांना तिकीट देण्यासाठी, कुणाला मंत्रिपद देण्यासाठी मदत केली असेल. काही लोक माझ्या संपर्कात आहेत. पण त्यांनी अजूनतरी मतदान करण्यासाठी माझ्याकडे इच्छा व्यक्त केली नाही”, असं एकनाथ खडसे म्हणाले.
हितेंद्र ठाकूर यांनी मतदान करण्याचा शब्द दिला का?, या पत्रकारांच्या प्रश्नावर खडसे म्हणाले, “मी मत मागण्यासाठी आलो होतो. शब्द देणं वगैरे हे राजकारणात काही नवीन नाही. पण मत मागणं हे माझं कर्तव्य आहे. त्यामुळे त्यांना योग्य वाटेलते त्याप्रमाणे भूमिका घेतील, योग्य उमेदवाराला मतदान करतील “
