भडगाव :- तालुक्यातील कोठली, निंभोरा, कनाशी, देव्हारी, बोदरडे,पांढरद, पिचरडे, बाच्छर इतर ठिकाणी पूर्वमोसमी पावसामुळे झालेल्या गारपिटीने व वादळी पावसाने शेतकरी बांधवांचे केळी बागा व शेतखळे यांचे अतोनात नुकसान झाले असून सदर सर्व गावांत माजी आमदार दिलीप वाघ यांनी भेट देऊन शेतकऱ्यांच्या व्यथा जाणून घेतल्या. यावेळी झालेल्या नुकसानीने शेतकऱ्यांना दिलासा देण्यासाठी आपण आपल्या स्तरावरून प्रांताधिकारी व जिल्हाधिकारी यांना भेटून या नुकसान भरपाई साठी आवश्यक तेवढे सर्व प्रयत्न करणार असल्याचे सांगितले.
शेतकऱ्यांना हा ऐन पेरणी च्या वेळी हा नुकसानीचा जोरदार फटका बसला आहे यातुन सावरण्यासाठी मी व सर्व राष्ट्रवादी काँग्रेसच्या वतीने निवेदन देऊन शेतकरी बांधवांकरिता नुकसान भरपाई साठी सर्वतोपरी प्रयत्न करणार असल्याचे सांगितले. यावेळी तालुका अध्यक्ष संतोष जाधव, राष्ट्रवादी ता.कार्यध्यक्ष हर्षल पाटील युवक काँग्रेसचे अध्यक्ष स्वप्निल पाटील कृ. उ.बा. चे संचालक दिलीप आबा पाटील यांच्या सह सर्व गावातील शेतकरी बांधव व कार्यकर्ते उपस्थित होते.
