- कार्यसम्राट आमदार किशोरआप्पा पाटील यांच्या प्रयत्नांना यश
भडगाव : भडगाव ग्रामिण रुग्णालयाला आज दिनांक 16 जुलै रोजी सार्वजनिक आरोग्य विभागाने उपजिल्हारुग्णालय म्हणून दर्जा देण्यात आल्याचा अध्यादेश काढण्यात आला असून पाचोरा- भडगाव मतदार संघांचे कार्यसम्राट आमदार किशोरआप्पा पाटील यांच्या प्रयत्नांना यश आले आहे.
या बाबत सविस्तर असे की, रुग्णालयाची 30 खाटावरून 50 खाटापर्यंत मर्यादा वाढविण्याचा निर्णय राज्याच्या सार्वजनिक आरोग्य विभागाने घेतला आहे. यासाठी आ.कीशोर पाटील यांनी राज्य शासनाकडे सातत्याने पाठपुरावा सुरू ठेवला होता त्यास यश मिळाल्याने भडगाव तालुक्यातील नागरिकांना उत्तम आरोग्यसेवा उपलब्ध होणार आहे.
भडगाव येथे सध्या ग्रामीण रूग्नालय कार्यरत आहे. मात्र तालुक्यातील रुग्णांची संख्या व त्यासाठी अपुरी पडत असलेली आरोग्य यंत्रणा त्यामुळे तालुक्यातील नागरिकांचे अतोनात हाल होत होते.म्हणूनच राज्याच्या सार्वजनिक आरोग्य विभागाने 30 खाटांच्या भडगाव ग्रामिण रूग्नालयाला 50 खाटांच्या उपजिल्हा रूग्नालयामधे श्रेणीवर्धन करण्याचा आज निर्णय घेतला. याबाबत आरोग्य विभागाने शासन निर्णय काढला आहे.
भडगाव ग्रामिण रुग्णालयाला उपजिल्हा रुग्णालयाचा दर्जा देण्याबाबत शासनाकडे सातत्याने केलेल्या पाठपुराव्याला यश आल्याचे मोठे समाधान आहे. यामुळे तालुक्याच्या ठिकाणीच चांगल्याप्रकारे आरोग्य सेवा उपलब्ध होणार आहे. त्याच बरोबर पाचोरा येथे उपजिल्हा रुग्णालयाचा दर्जा व इमारात बांधकामाचा प्रश्न लवकरच मार्गी लागणार आहे.
– कीशोर पाटील आमदार
पाचोरा-भडगाव
