बोदवड, (सचिन पाटील)- बोदवड तालुक्यात अनेक ठिकाणी सार्वजनिक बांधकाम विभागा अंतर्गत येणाऱ्या रस्त्यांचे कामे सुरू असून संबंधित कंत्राटदार ठेकेदार यांच्या कडून निकृष्ट दर्जाचे काम होत असल्याचं समोर येत आहे.याबाबत इंजि.धनके यांना विचारणा केली असता मला काहीच माहित नाही असे उडवाउडवीची उत्तरे देण्यात आले आहे.
याबाबत सविस्तर असे की, बोदवड तालुक्यातील नाडगाव कोल्हाडी ते चिचखेड रस्त्याचे काम सुरु असून रस्त्याचे कामे अगदी निकृष्ट दर्जाचे करण्यात येत आहे. काळी माती टाकून साईट पट्ट्या भरल्या जात आहे. कोणत्याही प्रकारे गिट्टीचा वापर तिथे केला जात नसल्याचा धक्कादायक प्रकार समोर आला आहे.
या रस्त्याविषयी इंजिनीयर श्री.धनके यांना विचारपूस केली असता ते म्हणाले की,मला काही माहिती नाही माझ्याकडे जळगाव नाशिक असे दोन जिल्हे आहेत त्यामुळे लक्ष देणे जमत नाही माझी बदली झाली तर मला चांगले आहे असे ते बोलून विषय थांबावीला आहे.तरी या कामांची चौकशी होऊन संबंधितांवर कारवाई करावी व रस्त्याचे काम उत्कृष्ट करण्यात यावे अशी मागणी होत आहे.
