बुलढाणा अर्बन क्रेडिट सहकारी बँकेची नुकतीच आयकर विभागाने अचानक तपासणी केली होती या तपासणी दरम्यान आयकर विभागाने बँकेचे ५४ कोटी रुपये गोठवण्याची मोठी कारवाई केल्याचं समोर आलं आहे.बुलढाणा अर्बन बँकेत अकाउंट ओपनिंग मध्ये अनियमितता उघडकीस आली असून केंद्रीय प्राप्तिकर खात्याने बँकेच्या मुख्यालयातील तपासणीनंतर सुमारे ५४ कोटी रूपये गोठवले आहेत.
बँकेची प्राप्तीकर विभागाकडून चौकशी सुरु असतांना तब्बल १२०० खाती पॅन कार्ड शिवाय आणि केवायसी ओळख पटविल्याशिवाय उघडण्यात आल्याचे स्पष्ट झाले आहे. इतकेच नव्हे तर यापैकी ७०० खात्यांमध्ये आठवडाभरातच ३४ कोटी रुपयांहून अधिक रक्कम जमा झाल्याचे आढळून आले आहे. त्यामुळे सुमारे ५४ कोटी रुपयांची रक्कम प्राप्तिकर खात्याने गोठवली आहे. ही बँक खाती नेमकी कोणाची आहेत याचा तपशीलवार तपास सुरू आहे.
बँकेत सर्च ऑपरेशन केले असता तेथे सुमारे ५४ कोटी रुपये बेहिशेबी आढळले. ते प्राप्तिकर खात्याने गोठवले आहेत. २७ सप्टेंबरला हे सर्च ऑपरेशन करण्यात आले आहे, अशी माहिती सेंट्रल बोर्ड ऑफ डायरेक्ट टॅक्सेस खात्याने अधिकृतरीत्या दिली आहे.
