मुंबई : विधानसभेचे विरोधी पक्षनेते देवेंद्र फडणवीस यांनी महाविकासआघाडी सरकारवर केलेल्या गंभीर आरोपांसंदर्भात राष्ट्रवादी काँग्रेसचे सर्वेसर्वा शरद पवार यांनी भाष्य करत सडेतोड प्रत्युत्तर दिले.
“देवेंद्र फडणवीस यांनी केलेल्या आरोपाची सत्यता पडतावी व त्याची तपासणी करण्यासाठी भाजपच्या एका नेत्याने माझ्याकडे तक्रार केली असल्याचा मोठा गौप्यस्फोट यावेळी पवार यांनी केला. दरम्यान, शरद पवार यांनी भाजपच्या कोणत्याही नेत्याचं नाव घेतलं नसलं तरी भाजपचा हा नेता कोण? याबाबतचे तर्कवितर्क लढवले जात आहेत.
यावेळी शरद पवार यांनीही अनेक खुलासे करत गौप्यस्फोट केले. यावेळी पवार म्हणाले की, काल देवेंद्र फडणवीस यांनी जे कहाणी आरोप केले आहेत. त्या त्याच्या आरोपांची राज्य सरकारकडून चौकशी करण्यात यावी, अशी मीही मागणी करत आहे. माझ्याकडेही असे फडणवीसांच्या विरोधात बोलण्यासाठी खूप काही आहे.
भाजपच्या एका नेत्याची माझ्याकडेही तक्रार आली होती. पण मी त्याची जाहीर वाच्यता केली नाही. आणि तीही फडणवीस यांच्याच सहकाऱ्याची तक्रार आली आहे. त्याची सत्यता पडताळा असं मी देवेंद्र फडणवीसांना सांगितलं होतं. एखादी व्यक्ती किंवा लोकप्रतिनिधी सार्वजनिक जीवनात कार्यरत असेल तर शहानिशा न करता त्यावर बोलणं योग्य नसतं. म्हणून मी फडणवीसांकडे ही तक्रार दिली होती.
सहा महिन्यापूर्वी देवेंद्र फडणवीसांच्या सहकाऱ्याबाबत माझ्याकडे तक्रार आली होती. मी त्यांना कळवली. त्यांना सांगितलं त्यात सत्यता किती तुम्ही पाहा. तुमच्या सहकाऱ्याबाबतची ही तक्रार आहे. एखादी व्यक्ती सार्वजनिक जीवनात कार्य करते तेव्हा त्यावर शहानिशा न करता बोलणं योग्य नाही. त्यामुळे मी त्यावर भाष्य करणार नाही. तुम्ही पाहून घ्या.
