जळगाव – के. सी. ई. सोसायटीचे, पोस्ट ग्रॅज्युएट कॉलेज ऑफ सायन्स टेक्नॉलॉजी आणि रिसर्च, जळगाव महाविद्यालयास नॅशनल असेसमेंट अँड अॅक्रिडिएशन कौन्सिल- (नॅक) द्वारें ‘B+’ श्रेणी प्राप्त झाली. संस्थेत दिल्या जाणाऱ्या शिक्षणाची गुणवत्ता तपासण्यासाठी हे मूल्यांकन केले जाते. ‘नॅक’द्वारे केलेल्या मूल्यांकनात चार गुणांपैकी महाविद्यालयाने २.५२ सीजीपीए गुण मिळवत ‘B+’ श्रेणी मिळवली. के. सी. ई. सोसायटीचे, मा. अध्यक्ष नंदकुमार बेंडाळे यांनी या यशाबद्दल महाविद्यालयाचे प्राचार्य डॉ. व्ही. एस. झोपे व नॅक सुकाणू सामिती समन्वयक प्रा. संदीप पाटील यांच्यासह विद्यार्थी, पालक व शिक्षक-शिक्षकेतर कर्मचाऱ्यांचे अभिनंदन केले. ‘आगामी काळात महाविद्यालय गुणवत्ता वाढीची ही परंपरा कायम ठेवेल व यापुढे संशोधनावर अधिक भर दिला जाईल,’ असा विश्वास व्यक्त केला.
या मूल्यांकनामुळे महाविद्यालयातील शैक्षणिक गुणवत्ता, संशोधन, शिक्षणपद्धती याविषयीची माहिती समाज, विद्यार्थी, पालक आणि उद्योग क्षेत्राला मिळण्यास मदत होते. अभ्यासक्रम, शिकविण्याची-शिकण्याची पद्धती, संशोधन व विकास, पायाभूत सुविधा, विद्यार्थी-शिक्षकांचा सहभाग, नाविन्यपूर्ण उपक्रम, नेतृत्व व व्यवस्थापन आणि व्यक्तिमत्व विकास अशा विविध निकषांची पाहणी ‘नॅक’कडून केली जाते. नॅक प्रक्रिया यशस्वी पार पाडण्यात महाविद्यालयाचे प्राचार्य डॉ. व्ही. एस. झोपे व नॅक सुकाणू सामिती समन्वयक प्रा. संदीप पाटील, क्रायटेरिया चेअरमन प्रा. रवींद्र पाटील, प्रा. जावेद खान, प्रा. सारंग बारी, प्रा. ज्ञानेश्वर न्हावी, उल्हास पाटील, व सर्व शिक्षक आणी शिक्षकेत्तर कर्मचारी व के. सी. ई. सोसायटीचे सदस्यानी परीश्रम घेतले .
