पीएम किसान सन्मान निधी योजना ; १२ हप्त्याच्या यादीत तुमचं नावं आहे का ?… चेक करा

पीएम किसान सन्मान निधी योजनेचे पैसे तुमच्या खात्यावर आलेत का ?  तुमच्या नावाचं स्टेटस तपसण्यासाठी ही संपूर्ण बातमी वाचा, कारण लवकरच देशातील करोडो शेतकऱ्यांच्या खात्यावर या योजने अंतर्गत पात्र लाभार्थ्यांच्या बँक खात्यावर पैसे येणार आहे.या योजनेतील अनियमितता टाळण्यासाठी सरकारने ई-केवायसीची (e-KYC) तारीख ३१ऑगस्टपर्यंत वाढवली होती. आता ही शेवटची तारीख देखील संपली आहे.

 पीएम किसान सन्मान निधी योजना बाबत थोडंसं…

पीएम किसान सन्मान निधी योजना ही शेतकरी कुटुंबांसाठी आहे. कुटुंब म्हणजे पती-पत्नी आणि दोन अल्पवयीन मुले. योजनेच्या नियमांनुसार, पीएम किसानचे पैसे शेतकरी कुटुंबाला मिळतात म्हणजेच कुटुंबातील कोणत्याही एका सदस्याच्या खात्यात सहा हजार रुपये वार्षिक दोन दोन हजारच्या च्या तीन हप्त्यांमध्ये थेट बँक खात्यात येतात.१२वा हप्ता येण्यापूर्वी, एकदा तुम्ही हे तपासा की तुमचे नाव पीएम किसान लाभार्थ्यांच्या नवीन यादीत आहे की नाही? चला जाणून घेऊया त्या सोप्या स्टेप्स, ज्याद्वारे तुम्ही घरी बसून हे सहज करू शकता.

सर्वप्रथम PM किसान पोर्टल https://pmkisan.gov.in/वर जा. होम पेजवर मेनूबारवर जा आणि ‘फार्मर कॉर्नर’ वर जा. येथे लाभार्थी यादीवर क्लिक/टॅप करा. हे केल्यानंतर तुमच्या स्क्रीनवर एक पेज ओपन होईल.येथे तुम्ही राज्यातील ड्रॉप-डाउन मेनूमधून तुमचे राज्य निवडा. त्यानंतर दुसऱ्या टॅबमध्ये जिल्हा, तिसऱ्या टॅबमध्ये तहसील किंवा उपजिल्हा, चौथ्या क्रमांकावर ब्लॉक आणि पाचव्या क्रमांकावर तुमच्या गावाचे नाव निवडा. यानंतर तुम्ही Get Report वर क्लिक करताच संपूर्ण गावाची यादी तुमच्या समोर येईल.

स्थिती तपासण्यासाठी या स्टेप्स फॉलो करा

सर्वप्रथम पीएम किसानच्या अधिकृत वेबसाइट https://pmkisan.gov.in/वर जा.
येथे तुम्हाला उजव्या बाजूला ‘फार्मर्स कॉर्नर’चा पर्याय मिळेल
येथे ‘लाभार्थी स्थिती’ या पर्यायावर क्लिक करा. येथे एक नवीन पृष्ठ उघडेल.
नवीन पृष्ठावर, आधार क्रमांक, बँक खाते क्रमांक यापैकी कोणताही एक पर्याय निवडा. या 2 क्रमांकांद्वारे तुम्ही तुमच्या खात्यात पैसे आले आहेत की नाही हे तपासू शकता.

तुम्ही निवडलेल्या पर्यायाची संख्या एंटर करा. त्यानंतर ‘डेटा मिळवा’ वर क्लिक करा.
येथे क्लिक केल्यानंतर, तुम्हाला सर्व व्यवहाराची माहिती मिळेल. म्हणजेच तुमच्या खात्यात हप्ता कधी आला आणि कोणत्या बँक खात्यात जमा झाला?