पाचोरा (प्रतिनिधी)- येथील तेली समाज मंडळाच्या वतीने समाजाचे संत श्री संताजी जगनाडे महाराज यांची प्रतिमा शहरातील सर्व शासकीय अधिकाऱ्यांना भेट देण्यात आली व येत्या 8 डिसेंबर रोजी जयंती दिनी शासनाच्या अध्यादेशा अन्वये जगनाडे महाराजांच्या प्रतिमेचे पूजन करण्याचे आवाहन करण्यात आले .
केंद्र व राज्य शासनाच्या वतीने तेली समाजाचे दैवत श्री संताजी जगनाडे महाराज यांच्या जयंती दिनी त्यांच्या या प्रतिमेचे पूजन व त्यांना अभिवादन करण्यासंदर्भातील अध्यादेश जारी करण्यात आला आहे . त्या अनुषंगाने समाज मंडळाच्या वतीने प्रांताधिकारी, तहसीलदार ,गटविकास अधिकारी ,पालिकेचे मुख्याधिकारी व कामगार कल्याण केंद्र या शासकीय कार्यालयातील अधिकाऱ्यांना जगनाडे महाराजांची प्रतिमा भेट देण्यात आली . त्यासोबत येत्या 8 डिसेंबर रोजी जगनाडे महाराजांच्या जयंती निमित्ताने त्यांचे पूजन करण्याबाबतच्या शासनाच्या आदेशाची प्रतही देण्यात आली . याप्रसंगी समाज मंडळाचे अध्यक्ष संजय चौधरी ,उपाध्यक्ष शरद चौधरी, नारायण चौधरी, सतीश चौधरी, बापूराव चौधरी, प्रकाश चौधरी, प्रा सी एन चौधरी ,उत्तम चौधरी, राजेंद्र चौधरी ,वीरेंद्र चौधरी, संजय चौधरी, मोतीलाल चौधरी, देविदास चौधरी, आर के चौधरी, शिवाजी चौधरी, भालचंद्र चौधरी शांताराम चौधरी , रघुनाथ चौधरी आदी उपस्थित होते . फोटो पाचोरा येथे तहसिलदार कैलास चावडे यांना प्रतिमा भेट देताना संजय चौधरी सतीश चौधरी नारायण चौधरी शरद चौधरी आदि उपस्थित
