पंकजा मुंडेंनी प्रोफाइल फोटो बदलला, भाजपला रामराम करणार?

औरंगाबादः भाजपाकडून वारंवार डावलल्या गेलेल्या पंकजा मुंडे यांनी आज एक सूचक कृती केलीय. पंकजा मुंडे यांनी त्यांच्या ट्विटर हँडलचा प्रोफाइल फोटो बदलला. त्यामुळे पंकजा मुंडे भाजपला रामराम करणार का? असा प्रश्न उपस्थित होत आहे. तर नव्या दमाचा, फ्रेश आणि अत्यंत आत्मविश्वास पूर्ण असा हा फोटो पाहून त्यांचे चाहते आणि कार्यकर्त्यांमध्येही उत्साह असून त्यावर भन्नाट कमेंट्स येत आहेत. दरम्यान,

आता संघर्ष अटळ आहे, लोकनेत्या, ताईसाहेब…, रणरागिणी अशा अनेक प्रतिक्रिया येत आहेत. यातच ताई, आता हा चेहरा शिवसेनेतच शोभून दिसेल… अशीही कमेंट दिली आहे. पंकजा मुंडे यांनी ट्विटरचा बदललेला हा फोटो आज मराठवाड्यातील सोशल मीडियात प्रचंड चर्चेत आहे.

पंकजा मुंडे यांनी आज ट्वीट केलेल्या फोटोतून काहीतरी सूचक संकेत मिळतायत, अशी चर्चा आहे. आपण नाराज असूनही प्रचंड आत्मविश्वासाने पुन्हा एकदा युद्धासाठी तयार आहोत, असा अर्थ त्यातून सुचवायचा आहे. की एखाद्या नव्या मोहिमेसाठी आपण सज्ज आहोत, असं त्यातून सांगायचंय… असे असंख्य तर्कवितर्क लावले जात आहे.

हे पण वाचा :

राज्यात दहावीचा निकाल 96. 94 टक्के, मुलींनी मारली बाजी

Weight Loss Tips: वजन कमी करायचंय? मग हे पदार्थ रोज खा

महाविकास आघाडीच्या त्या निर्णयावर शेलारांचा टोला, खडसेंबाबतही बोलले..

आदित्य यांचे लवकर शुभमंगल होवो आणि.. ; भाजप नेत्याने नेमक्या काय दिल्या शुभेच्छा

विधान परिषदेची उमेदवारी मिळाली तर संधीचं सोनं करीन असं सूचक विधान पंकजा मुंडे यांनी गोपीनाथ मुंडे यांच्या स्मृतीदिना निमित्तच्या कार्यक्रमात केलं. भाजप नेतृत्वाकडून ही संधी दिली जाईल, अशी अपेक्षा पंकजा मुंडेंना होती. भाजपकडून विधान परिषदेची उमेदवारी जाहीर झाली. त्यात पंकजा मुंडेंना डावलण्यात आलं. त्यानंतर मात्र पंकजा मुंडेंची एकही प्रतिक्रिया आली नाही. बोलतायत ते त्यांचे कार्यकर्ते. मराठवाड्यातील अनेक ठिकाणी कार्यकर्त्यांनी त्यांची अस्वस्थता दर्शवली. देवेंद्र फडणवीस बोलले, चंद्रकांत पाटील बोलले, पण पंकजा मुंडेंचं मात्र यावर मौन आहे. या मौनातूनच त्यांनी अस्वस्थता बोलतेय की काय, अशीही शंका व्यक्त केली जात आहे.