जामनेर,(प्रतिनिधी)- गोवा येथे सुरू असलेल्या ३७ व्या नॅशनल गेम्स स्पर्धेत कीर्ती गोपाल तारुळकर (बाविस्कर) हीन मिनी गोल्फ स्पर्धेच्या एकेरी गटात रजत पदक पटकावले. या स्पर्धेत सम्पूर्ण भरतातून संघानी सहभाग घेतला आहे.
त्यात एकेरी गटात प्रथम उत्तराखंड व किर्ती तारुळकर (बाविस्कर)ने द्वितीय क्रमांक पटकावला, तर तृतीय क्रमांक राजस्थान व छत्तीसगड यांनी पटकवला, यांना याच्या अगोदर आंतरराष्ट्रीय,राष्ट्रीय स्तरावर विविध प्रकारचे मेडल प्राप्त आहे.
कीर्ती तारुळकर ह्या माऊली इंटरनॅशनल इंग्लीश मिडीयम स्कूल वाघारी,तालुका जामनेर, जिल्हा जळगाव चे अध्यक्ष सुनील कडू तारुळकर यांच्या सून असून या संस्थेच्या त्या संचालिका सुद्धा आहेत. सौ कीर्तीच्या या उल्लेखनीय कामगिरी बद्दल या अगोदर राजस्थान येथे एकलव्य पुरस्काराने सन्मानित करण्यात आले होते. त्यांनी महाराष्ट्र राज्याचे नाव राष्ट्रीय पातळीवर उंचावले असुन त्यांच्या यशाचे मिनी गोल्फ संस्थेचे सचिव श्री प्रदीप तळवलकर , प्रशिक्षक कृपालसिंह ठाकूर, एस एस बेलोरकर, शुभम पाटिल तसेच माऊली इंटरनॅशनल इंग्लीश मिडीयम स्कूल परिवार तर्फे ,वाघारी व पाटखेडे गावकरी मंडळी व किनोद गावकरी मंडळी,न्यू यंग ग्रूप वाघारी यांनी अभिनंदन केले तसेच पुढील वाटचालीस शुभेच्छा दिल्या आहेत.
