नाशिकहून परताना अमळनेरातील कुटुंबावर काळाचा घाला ; कार अपघातात तिघांचा मृत्यू, चार जखमी

धुळे । नाशिकहून परताना अमळनेरात कुटुंबावर काळानं घाव घातला आहे. छोट्या पुलाखाली कार कोसळून झालेल्या अपघातात अमळनेरच्या दहा वर्षाच्या मुलासह दोन महिलांचा मृत्यू झाला तर चार जण जखमी झाले. हा अपघात शुक्रवारी सायंकाळी धुळे तालुक्यतील नवलनगरजवळ घडला आहे.

याबाबत अधिक असं की, नाशिक येथून गंधमुक्तीचा कार्यक्रम आटोपून पाटील एक कुटुंब कारने (क्र.एमएच ०४-एफझेड३६८९) अमळनेरकडे येत होतं. कारमध्ये जवळपास सात ते आठ जण हाेते. वेगाने येणारी कार फागणे-अमळनेर रस्त्यावरील नवलनगर गावाजवळ असलेल्या एका मोरी पुलावरून खाली कोसळली.

या अपघातात सरलाबाई पंडीत पाटील (वय ४५), मीनाबाई राजेंद्र पाटील (वय ५०), व शाहू विजय पाटील (वय १०, सर्व रा.अमळनेर) यांचा मृत्यू झाला अपघातातील सर्व मृत हे अमळनेरचे आहेत.

हे पण वाचाच,..

मोठी बातमी! गुजरातमध्ये ISIS मॉड्युलचा पर्दाफाश, एका महिलेसह चौघांना अटक

जामडी येथील तरुणाच्या हत्येमागचं कारण आलं समोर

अमळनेर शहरात उद्या ११ वाजेपर्यंत संचारबंदी लागू, त्यामागील कारण जाणून घ्या..

पुण्यातील IAS अधिकारी CBIच्या जाळयात ; 8 लाखाची लाच घेताना पकडलं

या अपघातात कारमधील चार जण जखमी झाले आहेत. ग्रामस्थांच्या सहकार्याने जखमींना रूग्णवाहिकेतून हिरे वैद्यकीय महाविद्यालयात दाखल करण्यात आले. अपघाताची माहिती मिळताच धुळे तालुका पोलीस स्टेशनचे पोलिस निरीक्षक दत्तात्रय शिंदे, उपनिरीक्षक अनिल महाजन व कर्मचारी तातडीने घटनास्थळी दाखल झाले. याप्रकरणी रात्री उशिरापर्यंत धुळे तालुका पोलिसात अपघाताची नोंद करण्याचे काम सुरू होते.