जळगाव । शिवसेनेचे मंत्री गुलाबराव पाटील यांनी एक मोठा गौप्यस्फोट केला आहे. यामुळे चर्चेला उधाण आले आहे. “नारायण राणे फुटताना देखील आपल्याला ऑफर होती पण आपण गेलो नाही,” असा गौप्यस्फोट गुलाबराव पाटील यांनी केला.
ठाकरे गटाच्या शिवसेने आणि राष्ट्रवादीने काल राज्यभर गद्दार दिन साजरा केला. याच दरम्यान गुलाबराव पाटील नेमके याच दिवशी रात्री उशिरा पंढरपूरमध्ये दर्शनासाठी पोहोचले होते. यावेळी त्यांना छेडले असता त्यांनी संजय राऊत आणि उद्धव ठाकरे यांच्यावर तोफ डागली.
हे पण वाचा..
महाराष्ट्राला हादरून सोडणारी घटना! डॉक्टरने संपूर्ण कुटुंबच संपवले
15 महिन्यात सातव्यांदा आत्मदहनाचा प्रयत्न ; जळगाव झेडपी समोर तरुणाने अंगावर ओतले पेट्रोल
महत्वाची बातमी! भारतीय कफ सिरप कंपन्यांबाबत WHO ने घेतला मोठा निर्णय
राज्यातील महिला आमदाराचा व्हिडीओ व्हायरल! अभियंत्याला शिवीगाळ करत लगावली कानशिलात
“स्वर्गीय बाळासाहेब ठाकरे यांनी स्थापन केलेली शिवसेना कुठेतरी लयाला चाललेली दिसली आणि सांगून सुद्धा एखादा टिनपाट माणूस उद्धवजींना सल्ला देत होता आणि त्यांचे ऐकले जात होते,” असे सांगत त्यांनी संजय राऊत आणि उद्धव ठाकरे यांच्यावर निशाणा साधला. “मी ३३ नंबरला गेलो, जाताना सांगून गेलो की फक्त 11 आमदार आता सूरतला पोहोचले आहेत त्यांना परत बोलवा. अजित पवार यांना जर शरद पवार परत बोलावू शकतात तर आपल्या पक्षातील चांगले कार्यकर्ते गेले असताना त्यांना सांगूनही परत बोलावण्याचा प्रयत्न का केला नाही असा माझा प्रश्न होता,” असे गुलाबराव यांनी सांगितले.
“परत आणण्याचा प्रयत्न सोडाच शिवाय मलाच राऊत म्हणाले की तुम शेर जैसे हो दिल तुम्हारा चुहे जैसा है, तुम्हाला जायचे असेल तर जाऊ शकता. हे महामंडलेश्वर 1008 संजय राऊतांचे वाक्य होते,” अशा शब्दात गुलाबराव पाटील राऊत यांच्यावर निशाणा साधला. संजय राऊतांनी उद्धव ठाकरे यांचा चुकीचा भ्रम करुन दिल्याने ही वेळ आल्याचे गुलाबराव पाटील यांनी सांगितलं.
