अहमदनगर – जिल्ह्यातील शेवगाव आगार येथे उभ्या असलेल्या एसटीला गळफास लावून आत्महत्या केल्याची धक्कादायक घटना आज शुक्रवार दि.29 रोजी उघडकीस आल्याने खळबळ उडाली आहे.
प्राप्त माहितीनुसार आत्महत्या केलेल्या एसटी कर्मचाऱ्याचे नाव दिलीप हरिभाऊ खटके असे असून दिलीप खटके हे परिवहन महामंडळात चालक म्हणून कार्यरत होते. चालक दिलीप खटके यांनी शेवगाव येथील एसटी डेपोत उभ्या असलेल्या बसच्या मागच्या बाजूला गळफास घेत आत्महत्या केली मात्र आत्महत्येचे कारण समजू शकले नाही.
https://twitter.com/GopichandP_MLC/status/1453934588858798092?t=JwuEF-xsDC2SeORWV6NW7A&s=19
https://twitter.com/GopichandP_MLC/status/1453934591371141129?t=PofJpisQqEwy3tD_0-P0qw&s=19
टोकाचं पाऊल उचलू नका – आमदार गोपीचंद पडळकर
तळपायाची आग मस्तकात जाणारी,मनाचा थरकाप उडवणारी, ऐन दिवाळीच्या तोंडावर अत्यंत दु:खद घटना घडलीये. अहमदनगर विभागातील शेवगाव आगारात दिलीप खटके या एसटी महामंडळातील कर्मचाऱ्याने आत्महत्या केलीये. खटके कुटुंबावर दु:खाचा डोंगर कोसळलाय. हे दु:ख शब्दात सांगणही कठीण आहे. माझी सर्व
एसटी कर्मचाऱ्यांना कळकळीची विनंती आहे की कुणीही टोकाचं पाऊल उचलू नका. एकजूटीनं आपण हा लढा लोकशाही मार्गानं जिंकू. या आत्महत्या केलेल्या २८ कर्मचाऱ्यांना न्याय मिळवून देऊ असं आमदार गोपीचंद पडळकर यांनी ट्विट करून आवाहन केलं आहे.
