नवी दिल्ली : केंद्रीय शिक्षणमंत्री धर्मेंद्र प्रधान यांनी एनआयआरएफ रँकिंग २०२१ जाहीर केली. यावेळी सर्व कॅटेगरीतील राष्ट्रीय संस्थात्मक नामांकन (NIRF) रँकिंग जाहीर करण्यात आले. देशातील टॉप लॉ कॉलेजची यादी पाहता नॅशनल लॉ स्कूल ऑफ इंडिया युनिव्हर्सिटी बंगळुरला प्रथम स्थान मिळाले आहे.
ही देशातील सर्वोच्च लॉ कॉलेजची यादी
– नॅशनल लॉ स्कूल ऑफ इंडिया युनिव्हर्सिटी, बंगळूर
– नॅशनल लॉ स्कूल युनिव्हर्सिटी, दिल्ली
– NALSAR युनिव्हर्सिटी ऑफ लॉ, हैदराबाद
– पश्चिम बंगाल नॅशनल युनिव्हर्सिटी ऑफ ज्युडिशियल सायन्सेस, कोलकाता
– DFCCIL मध्ये ज्युनिअर मॅनेजर भरती परीक्षेच्या तारखेची घोषणा, जाणून घ्या डिटेल्स
एकूण विद्यापीठे, इंजिनीअरिंग संस्था, महाविद्यालये, मॅनेजमेंट संस्था, फार्मसी, मेडिकल, आर्किटेक्चर, लॉ अशा विविध अभ्यासक्रमांच्या संस्थांच्या बाबतीत हे रँकिंग केले जाते. संस्थांमधील शिकवणी, सोयी-सुविधा, संशोधन, पदवी घेऊन बाहेर पडणाऱ्या विद्यार्थ्यांची संख्या आदी विविध विविध निकषांवर ही क्रमवारी दिली जाते.
‘११ कॅटगरीमधील एनआयआरएफ रँकिंग २०२१ जाहीर करताना मला आनंद होत आहे. मी सर्व रँकिंग मिळालेल्या संस्थांचे अभिनंदन करतो. आज देशात ५० हजारांहून अधिक उच्च शिक्षण संस्था आणि ५० दशलक्ष विद्यार्थी आहेत. या सर्वांसाठी रँकिंग महत्त्वाचे आहे असे धर्मेंद्र प्रधान म्हणाले.
