मुंबई : महाराष्ट्र शिक्षण मंडळाकडून जुलै-ऑगस्ट २०२२ माध्यमिक शालांत प्रमाणपत्र म्हणजेच दहावी आणि उच्च माध्यमिक प्रमाणपत्र म्हणजेच बारावीच्या पुरवणी परीक्षेचे वेळापत्रक जाहीर करण्यात आले आहे. बारावी सर्वसाधारण आणि द्विलक्षी विषयांची लेखी परीक्षा २१ जुलै ते १२ ऑगस्ट या कालावधीत होणार आहे. तर बारावी व्यवसाय अभ्यासक्रमांची परीक्षा २१ जुलै ते ८ ऑगस्ट दरम्यान होणार आहे.
दहावीची पुरवणी परीक्षा २७ जुलै ते १२ ऑगस्ट या कालावधीत होणार आहे. दहावी तसेच बारावीच्या निकालात मिळालेल्या गुणांवर ज्या विद्यार्थ्यांना समाधान नसेल, तसेच जे विद्यार्थी अनुत्तीर्ण झाले आहेत अशा विद्यार्थ्यांना जुलैमध्ये परीक्षेची संधी मिळणार आहे.
हे पण वाचा :
विधान परिषद निवडणुकीबाबत चंद्रकांत पाटलांचा मोठा दावा; म्हणाले..
अग्निवीरांनासाठी केंद्रीय गृह मंत्रालयाचा आणखी एक मोठा निर्णय
तरुणांनो संधी सोडू नका.. BSF मध्ये बंपर भरती, दरमहा 1,12,400 पर्यंत पगार मिळेल
आमदार संजय ‘सांभाळून घ्या.. आपलं सरकार आहे ; ना.पाटील
या श्रेणीसुधार परीक्षेसाठी दहावीची प्रात्यक्षिक, श्रेणी, तोंडी आणि अंतर्गत मूल्यमापन परीक्षा २६ जुलै ते ८ ऑगस्ट या कालावधीत होणार आहेत. तर बारावीची प्रात्यक्षिक, श्रेणी, तोंडी व अंतर्गत मूल्यमापन परीक्षा २० जुलै, ते ८ ऑगस्ट या कालावधीत आयोजित करण्यात येणार आहे. या परीक्षांचे सविस्तर वेळापत्रक मंडळाची अधिकृत संकेतस्थळ www.mahahsscboard.in वर जाहीर करण्यात आले आहे.
