मुंबई- राष्ट्रवादीचे सर्वेसर्वा शरद पवार यांच्या वाढदिवसानिमित्त यशंवतराव चव्हाण सेंटर येथे बळीराजा कृतज्ञता दिन साजरा केला जात असून, पक्षाच्या ज्येष्ठ नेत्यांनी त्यांच्याविषयी प्रतिक्रिया व्यक्त करत त्यांच्या कार्याचा सन्मान केला. पवार नेहमीच सहकाऱ्यांच्या पाठिशी उभे राहतात. माझ्यावर हल्ला झाला तेव्हा त्यांनी सर्वतोपरी मदत केली. भुजबळ, आपल्याला लढायचे आहे, घाबरायचे नाही, असं ते मला म्हणाले होते. जेव्हा सर्व काही संपलं असं वाटत होतं, त्यावेळी साहेबांनी पुनर्जन्म दिला, अशी भावूक प्रतिक्रिया भुजबळ यांनी व्यक्त केली.
