मुंबई : राज्यातील सत्तापालटाला आता महिना उलटून गेलाय. मात्र अद्यापही शिंदे गट आणि भाजप सरकरचा मंत्रिमंडळ विस्तार झालेला नाही. त्यामुळे विरोधकांकडून राज्य सरकारवर जोरदार टीका करण्यात येतेय. यातच मंत्रिमंडळ विस्ताराबाबत एक मोठी बातमी समोर आली आहे. महाराष्ट्रात 5 ऑगस्ट रोजी मंत्रिमंडळ विस्तार होणार आहे.
मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या सरकारचा पहिला विस्तार ५ ऑगस्टला होणार आहे. सूत्रांनी दिलेल्या माहितीनुसार, 15 मंत्री शपथ घेऊ शकतात. भाजप गटातील 8 आणि एकनाथ शिंदे गटातील 7 मंत्री शपथ घेणार असल्याचे सांगण्यात येत आहे. मंत्रिमंडळ विस्ताराची राजभवनातही तयारी सुरू असल्याची चर्चा देखील सुरूय.
यांना मंत्रीपदे मिळण्याची शक्यता
भाजप
गुजरातमध्ये पहिल्यावेळेस निवडून आलेल्या आमदारांना मंत्रिपदे देण्यात आल्याने तसे झाले तर देवेंद्र फडणवीस यांचे विश्वासू औसा मतदारसंघाचे आमदार अभिमन्यू पवार, संजय कुटे, विधान परिषद सदस्य श्रीकांत भारतीय, डॉ. रणजित पाटील, राधाकृष्ण विखे पाटील, प्रा.राम शिंदे, मेघना बोर्डीकर यांची राज्यमंत्रिमंडळात वर्णी लागू शकते. या व्यतिरिक्त चंद्रकांत पाटील, गिरीश महाजन यांना संधी मिळू शकणार असल्याची चर्चा राजकीय वर्तुळात दबक्या आवाजात सुरू आहे.
हे पण वाचा :
जळगावसह 16 जिल्ह्यांमध्ये पावसाचा यलो अलर्ट जारी
बीचवर बिकिनी घालून या अभिनेत्रीने केला योगा, व्हिडिओ पाहून तुमचेही उडतील हौश
दहावी पास उमेदवारांसाठी खुशखबर.. ITBP मध्ये मोठी भरती, 69100 महिना वेतन मिळेल
आजच्या मंत्रिमंडळाच्या बैठकीत घेतले ‘हे’ निर्णय
शिंदे गट
मुख्यमंत्री एकनाथ शिंदे यांच्यासह शिवसेनेतून कॅबिनेट मंत्री गुलाबराव पाटील, दादा भुसे, उदय सामंत, संदीपान भुमरे, राज्यमंत्री शंभूराज देसाई, राज्यमंत्री अब्दुल सत्तार यांच्यासह अपक्ष राज्यमंत्री राजेंद्र यड्ड्रावार, आणि बच्चू कडू यांनी मंत्रिपदावर असताना शिंदेंना पाठिंबा दिला. यांच्यासह 5 तारखेला पहिल्या 8 आमदारांमध्ये संजय शिरसाट, यांना देखील संधी मिळणार असल्याची जोरदार चर्चा राजकीय वर्तुळात सुरू आहे.
