जाणून घ्या हिवाळ्यात खजूर खाण्याचे फायदे

खजूर मध्ये कार्बोहायड्रेट्स, लोह, आहारातील फायबर, फॅटी ऍसिडस्, कॅल्शियम, पोटॅशियम आणि प्रथिने यांसारख्या गुणधर्म असतात. याशिवाय खजूर खाल्ल्याने तुमच्या शरीरातील चांगल्या कोलेस्ट्रॉलचे प्रमाण वाढण्यास मदत होते. खजूर तुमची हाडे मजबूत करतात, ज्यामुळे तुमचे शरीर मजबूत राहते. तसेच हिवाळ्यात खजूर खाणे हे खूप फायदेशीर आहे. जर तुम्हाला खजूर आवडत नसेल तर तुम्ही खजुराचे लाडू बनवून खाऊ शकतात. खजुराचे लाडू कसे बनवायचे हे जाणून घेऊयात.

साहित्य
गव्हाचे पीठ, खजूर, किसलेले नारळ, तूप, बदाम, मनुका, काजू

कृती
खजुराचे लाडू बनवण्याआधी खजूर स्वच्छ धुवून घ्यावेत. यानंतर खजुर बारीक करून एका भांड्यात अलगद ठेवावेत. यानंतर कढईत तूप टाकून वितळवून घ्या. यानंतर त्याममध्ये नारळ आणि सर्व ड्रायफ्रुट्स घालून साधारण 2 मिनिटे परतून घ्या. नंतर हे भाजलेले ड्रायफ्रुट्स प्लेटमध्ये काढून घ्यावेत. नंतर या कढईत तूप टाकून वितळवून घ्या. यानंतर त्यात पीठ घालून ते ब्राऊन होईपर्यंत चांगले परतून घ्या. नंतर एका मोठ्या भांड्यात या सर्व गोष्टी एकत्र करून नीट मिक्स करा. यानंतर हे मिश्रण थोडे थंड झाल्यावर त्यातून मध्यम आकाराचे लाडू बनवा. तयार आहेत खजुराचे लाडू.