जळगाव : जळगाव शहर तरुणाच्या खुनाने हादरले आहे. २८ वर्षीय तरुणीवर चाकूहल्ला केल्याने त्याचा उपचारादरम्यान, मृत्यू झाला आहे. सागर नरेंद्र पवार ( वय २८) असे या तरुणाचे नाव असून या घटनेमुळे परिसरात खळबळ उडाली आहे.
याबाबत असे कि, शहरातील समता नगर भागातील डॉ. बाबासाहेब आंबेडकर यांच्या पुतळ्याजवळ राहणाऱ्या सागर नरेंद्र पवार याच्यावर रात्री उशीरा एकाने चाकूहल्ला केला. त्यात तो गंभीर जखमी झाला. परिसरातील नागरिकांनी त्याला तातडीने रूग्णालयात हलविले. येथे उपचार सुरू असतांना सकाळी पाच वाजता त्याचा मृत्यू झाला. सागर नरेंद्र पवार हा तरूण समता नगरात एकटाच राहत होता. कुणाच्या अध्यात-मध्यात नसणार्या या तरूणाच्या हत्येमुळे परिसरात प्रचंड खळबळ उडाली आहे. पोलिसांनी घटनास्थळी धाव घेऊन तपासाची चक्रे फिरवली आहे. यात एक आरोपी निष्पन्न झाल्याची माहिती सूत्रांनी दिली आहे.
