रावेर, (प्रतिनिधी)- आपल्या देशात कोरोना या व्हायरसचा प्रादुर्भाव संसर्गजन्य दिवसेंदिवस वाढत असून रावेर तालुक्यातील चिनावल ग्रामसेवक यांनी आठवडे बाजार भरून कोरोना संचारबंदी आदेशांचे उल्लंघन केल्याने तसेच सोशल डिस्टसिंचे पालन न केल्याने प्रांत अधिकारी तथा इंस्टंट कमांडर डॉ.अजित थोरबोले यांनी केली कारवाई.
सविस्तर वृत्त असे की रावेर तालुक्यातील चिनावल येथे मंगळवार दिनांक २१- ४ -२०२० रोजी आठवडे बाजार भरलेला असल्याचे निदर्शनास आले आहे व नागरिकांनी देखील तक्रारी केलेल्या आहेत. सदर बाबीमुळे मा. जिल्हा दंडाधिकारी जळगाव यांचेकडील संचारबंदी आदेशांचे व कोरोना विषाणूचा प्रादुर्भाव रोखण्यासाठी शासनाने निर्गमित केलेल्या सोशल डिस्टसिंगचे उल्लंघन झालेले आहे सदर बाबीची गंभीर दखल घेऊन संबंधित गावांचे ग्रामसेवक श्री अशोक दत्तू खैरनार ग्रामसेवक चिनावल यांना आपत्ती व्यवस्थापन कायदा 2005 व भारतीय साथीरोग नियंत्रण अधिनियम 1897 मधील तरतुदीनुसार कारवाईबाबत कारणे दाखवा नोटीस आज दि. २४-४-२०२० रोजी देण्यात आलेली आहे .अशी माहिती फैजपुर येथील उपविभागीय अधिकारी तथा इंस्टंट कमांडर डॉ अजित थोरबोले यांनी एका प्रसिद्धी पत्रान्वये दिली आहे.
Yes