चाळीसगाव : एकीकडे मकरसंक्रातीचा सण उत्साहात साजरा होत असताना चाळीसगाव शहरात एक धक्कादायक घटना घडलीय. शहरात एका 35 वर्षीय तरुणाची भररस्त्यात चाकूने भोसकून हत्या केल्याची घटना घडली आहे. दिनेश जाधव असे हत्या करण्यात आलेल्या तरुणाचे नाव असून या घटनेमुळे शहरात एकच खळबळ उडाली आहे. याप्रकरणी चाळीसगाव शहर पोलीस ठाण्यात अज्ञात आरोपींविरोधात हत्येचा गुन्हा दाखल दाखल करण्यात आला आहे.
याबाबत अधिक असे की, चाळीसगाव शहरातील पोद्दार शाळेजवळून रविवारी संध्याकाळी मयत तरुण चालला होता. याच दरम्यान काही अज्ञात आरोपी आले आणि तरुणावर जीवघेणा हल्ला करत पळून गेले. या हल्ल्यात तरुणाचा जागीच मृत्यू झाला. नागरिकांनी चाळीसगाव शहर पोलिसांना घटनेची माहिती दिली. माहिती मिळताच पोलिसांनी घटनास्थळी दाखल होत घटनेचा पंचनामा केला. मृतदेह ताब्यात घेत शवविच्छेदनासाठी रुग्णालयात पाठवला.
चाळीसगाव शहर पोलिसांनी हत्येचा गुन्हा दाखल करत पुढील कारवाई सुरु केली आहे. तरुणाला नेमके कुणी मारले? कोणत्या कारणातून त्याची हत्या केली? याबाबत अद्याप कळू शकले नाही. आरोपींच्या अटकेनंतरच सर्व प्रकार उघडकीस येईल. पोलीस प्रकरणाचा कसून तपास करत आहेत.
हे सुद्धा वाचा..
अर्थसंकल्पापूर्वीच सरकारने दिली आनंदाची बातमी ! या वस्तूवरील कर माफ
आजोबा मांडीवर बसवतात अन्.. 11 वर्षीय मुलीचा धक्कादायक खुलासा
कधी कधी ग खूप नडतो, आणि.. गुलाबराव पाटलांनी पुन्हा ठाकरे गटावर ओढले ताशेरे
नागरिकांमध्ये भीतीचे वातावरण
मात्र या घटनेने संपूर्ण तालुका हादरला असून, परिसरात भितीचे वातावरण निर्माण झाले आहे. तत्पूर्वी एकीकडे मकर संक्रांतीचा सण उत्साहात साजरा करण्यात येत असताना ह्या घटनेने एकच खळबळ उडाली आहे. पोलीस प्रशासन कार्यतत्परतेने प्रत्येक हालचालीवर लक्ष ठेवून आहेत.
