मुंबई : महागाईने त्रस्त झालेल्या नागरिकांना आगामी गणेशोत्सवात काहीसा दिलासा मिळण्याची चिन्हे आहेत. सध्या उच्चांकावर गेलेले खाद्यतेलाचे दर येत्या दीड ते दोन महिन्यांत घसरण्याची शक्यता आहे.
एकूण गरजेच्या ६० ते ६५ टक्के तेल आयात केले जात असून यामध्ये पामतेल सर्वाधिक प्रमाणात आयात होते. इंडोनेशिया व त्यापाठोपाठ मलेशियातून या तेलाची निर्यात होते. त्यापाठोपाठ देशात सोयाबीन व सूर्यफुलाच्या तेलाची आयात होते. पामतेलाचा वापर रेस्टॉरंट, हॉटेल व विविध खाद्यान्न स्टॉल्सधारकांकडून सर्वाधिक होतो. या स्थितीत आयात पामतेलाच्या दरात सुमारे २२ टक्के घट झाली आहे. तसेच मलेशियाने पामतेलाच्या निर्यातदरात सुमारे १२ टक्के घट केली आहे. त्यामुळे सध्या उच्चांकावर गेलेले देशांतर्गत खाद्यतेलाचे दर आता हळूहळू घसरण्याची आशा निर्माण झाली आहे.
‘मलेशियाने जुलै महिन्यासाठी पामतेल निर्यात दरात याआधीच कपात केली होती. हा दर ६८१६.०५ डॉलर प्रति टनावरून ६७३२.२६ डॉलर प्रति टन केला आहे. यामुळे पुढील महिन्यात तेथून आयात होणारे तेल हे स्वस्त असेल. त्याचवेळी आंतरराष्ट्रीय बाजारात पामतेल दरात घट होत असताना इंडोनेशियाने पामतेलाचे उत्पादन वाढविण्याचा निर्णय घेतला आहे. या दोन्ही बाबींमुळे येत्या काळात पामतेलाच्या दरात घट होताना दिसेल. त्याचे परिणाम अन्य सर्वच तेलांवर होतील, अशी चिन्हे आहेत’, अशी माहिती अखिल भारतीय खाद्यतेल असोसिएशनचे अध्यक्ष शंकरभाई ठक्कर यांनी दिली.
हे पण वाचा :
मोठी बातमी : शिवसेनेचे विधिमंडळ कार्यालय सील ; पुन्हा वाद पेटण्याची शक्यता
मुख्यमंत्री शिंदेंचा राष्ट्रवादीला धक्का ; घाईघाईने घेतलेल्या ‘त्या’ 600 कोटींच्या कामांना ब्रेक
‘या’ मराठमोळ्या अभिनेत्रीनं हॉटनेसच्या ओलांडल्या सर्व मर्यादा ; पहा फोटो
या कारणावरून मुख्यमंत्री शिंदेंवर अनेकांनी व्यक्त केला संताप ; नेमका काय आहे प्रकार? पहा Video
खाद्यतेलाचे दर (प्रतिलिटर रुपये)
प्रकार एप्रिलमध्ये सध्या
पाम १२५-१३५ १४०-१४५
सोयाबीन १४५-१५० १६५-१७५
सूर्यफूल १५५-१६० १८५-१९५
शेंगदाणा १७५-१९५ १९५-२२५
राईसब्रान १४०-१४५ १६०-१७०
