गावातील लोकांनीच मदतकार्य केलं सुरु…
हळदीचा कार्यक्रम सुरु असतांना अचानक पणे ही दुर्दैवी घटना घडल्याने स्थानिक नागरिकांनी लागलीच मदत कार्याला सुरवात केली तर दुसरीकडे या घटनेची माहिती स्थानिकांनी तात्काळ पोलिसांना दिली. विहिरीत पडलेल्या महिलांची संख्या अधिक असल्याने मदत करण्यास काही स्थानिक नागरिकांची तारांबळ उडाली.
काही महिलांना बाहेर काढण्यात यश…
विहिरीत पडलेल्या महिलांपैकी काही महिलांना बाहेर काढण्यात स्थानिक नागरिकांना यश आले असले तरी या दुर्घटनेत ११ महिलांचा मृत्यू झाला असून २ महिला अद्यापही गंभीर आहेत. या दुर्घटनेने संपूर्ण गाव हादरलं असून संपूर्ण गावात शोककळा पसरली आहे. या दुर्घटनेची माहिती मिळताच जिल्हा प्रशासनानं मृतांच्या नातेवाईकांना ४ लाखांच्या मदतीची घोषणा केली आहे.
कुशीनगरच्या नेबुओ नौरंगिया येथील स्कूल टोला येथे विवाह सोहळ्याच्या आदल्या दिवशीच्या हळदीच्या कार्यक्रमात महिला आणि मुली लग्न मंडपाजवळ असलेल्या विहिरीजवळ उपस्थित होत्या. काही विहिरीच्या स्लॅबवर उभ्या होत्या. मात्र मोठ्या संख्येने आलेल्या महिलांमुळे जास्त वजन पडल्यानं स्लॅब खाली कोसळला त्यामुळे सर्व महिला विहिरीत पडल्या आणि एवढी मोठी दुर्घटना घडली.
