पाचोरा,(किशोर रायसाकडा) – तालुक्यातील सावखेडा येथील गांजा प्रकरणाची चर्चा पुन्हा नव्याने सुरु असून या प्रकरणी पिंपळगाव हरेश्वर पोलिसांनी शेतात गांजा उगवणाऱ्या शेतकऱ्याविरुद्ध आधीच गुन्हा दाखल करून कारवाई केली आहे, गांजा प्रकरण जुनेचं… चर्चा मात्र नव्याने होतं असल्याने नेमकं काय असावं असा प्रश्न अनेकांच्या मनात आहे, याचं गांजा प्रकरणाची एवढी चर्चा का? असाही प्रश्न समोर येतं आहे. पोलिसांच्या कामगिरीवर सुद्धा प्रश्न उपस्थित केले जातं असल्याने अनेक मुद्दे चर्चेत आहेत.
संदीप जगताप रां. पिंपळगाव हरेश्वर यांनी सोशल मीडियावर एक व्हिडीओ शेअर करत या गांजा प्रकरणावर अखेर खुलासा करून अनेक प्रश्नांना पूर्णविराम दिला आहे, संदीप जगताप यांनी म्हटलं आहे की,२३ नोव्हेंबर रोजी गणेश पाटील यांच्या शेतात गांजा प्रकरणी मी पोलिसांना कळविल्यावर गुन्हा दाखल झाला असून पोलिसांना मॅनेज करण्यासाठी त्यांनीच मला ऑफर दिली होती त्यापैकी त्यांनी ७५ हजार ऑनलाईन ट्रांजेक्शन केले होते ते पैसे मी परत देखील केल्याचा व्हिडीओ माझ्याकडे असल्याचा दावा या व्हिडीओ मध्ये संदीप जगताप यांनी केला आहे.
संदीप जगताप पुढे म्हणतात की, त्यांच्या ऑफरला मी प्रतिसाद दिला नाही, पोलिसांना मॅनेज करण्याचा प्रश्नच येतं नाही… मला पैशांची ऑफर देऊन सुद्धा मी त्या तोडीपाणीला बळी न पडता पोलिसांना माहिती दिली आणि गुन्हा दाखल करायला लावला असतांना, पोलिसांनी चोख कामगिरी केली असतांना नाहक बदनामी केली जातं असल्याचं संदीप जगताप यांचं म्हणणं आहे.
दरम्यान आरोपीच्या मुलाने पोलिसांवर या प्रकरणात मोठी रक्कम घेतल्याचा गंभीर आरोप केल्यानेचं सदर प्रकरण पुन्हा चर्चेत आले आहे. तर गांजाची माहिती देणाऱ्या संदीप जगताप यांनी आरोप फेटाळून लावत पैसे घेतले असते तर पोलिसांनी कारवाई केलीचं नसती असं म्हटलं आहे, दोनही जणांकडून होतं असलेल्या आरोपांमुळे सदर गांजा प्रकरण नव्याने चर्चेत आले आहे.
