मुंबई : देशभरात कोरोनाने पुन्हा थैमान घेतले असून यामुळे लॉकडाऊन लागण्याची शक्यता असून यामुळे गुंतवणूकदार धास्तावले आहे. दरम्यान, आज सोन्याच्या भावात घट दिसून आली आहे. जर तुम्ही सोने खरेदी करण्याचा विचार करत असाल तर ही एक चांगली संधी आहे. कारण सोन्याचा भाव पुन्हा एकदा 48 हजारांवर आला आहे. मल्टी कमोडिटी एक्सचेंज (MCX) वर आज सोन्यासोबतच चांदीच्या दरातही मोठी घसरण झाली आहे. MCX वर, फेब्रुवारीमधील डिलिव्हरीसाठीचा सोन्याचा भाव आज 0.51 टक्क्यांनी घसरला, तर चांदीच्या किंमती 1.42 टक्क्यांनी घसरल्या आहेत.
ऑगस्ट 2020 मध्ये, MCX वर प्रति 10 ग्रॅम सोन्याची किंमत 56,200 रुपयांची सर्वोच्च पातळी गाठली होती. आज, MCX वर सोने फेब्रुवारी फ्युचर्स 47,775 रुपये प्रति 10 ग्रॅमच्या पातळीवर आहे, म्हणजेच ते अजूनही सुमारे 8,425 रुपयांनी स्वस्त झाले आहे.
आज सोन्या-चांदीची किंमत काय आहे जाणून घ्या
फेब्रुवारीमधील डिलिव्हरीसाठीचा सोन्याचा भाव आज 0.51 टक्क्यांनी घसरून 47,775 रुपये प्रति 10 ग्रॅम झाला आहे. त्याचबरोबर आजच्या ट्रेडिंगमध्ये चांदीही खूप स्वस्त झाली आहे. आज 1 किलो चांदीचा भाव 1.42 टक्क्यांनी घसरून 61,356 रुपयांवर आला आहे.
सोन्याच्या दरात दुप्पटीने वाढ होऊ शकते
सोन्याच्या दरात पुढल्या वर्षी दुपटीने वाढ होऊ शकते असा अंदाज काही तज्ञ व्यक्त करत आहेत. येणाऱ्या 3 ते 5 वर्षांत सोन्याचा दर आताच्या तुलनेत दुप्पट होऊ शकतो. तर पुढच्या 5 वर्षांत प्रति 10 ग्रॅम सोन्याचा दर 90 हजारांवर जाऊन पोहोचेल, असे संकेत क्वाड्रिगा इग्नियो फंडकडून (Quadriga Igno Fund) देण्यात आले आहेत.
