डोंगर कठोरा,(यावल प्रतिनीधी):-कृषीपंपावरील संपुर्ण वीज बील माफ करण्याची भूमिपुत्र शेतकरी संघटनेने निवेदनाद्वारे मागणी केली आहे.सावदा येथील महाराष्ट्र राज्य वितरण कंपनीचे कार्यकारी अभियंता गोरक्षनाथ सपकाळे यांना याबाबत संघटनेचे जिल्हाध्यक्ष जितेंद्र सरोदे,उपाध्यक्ष अमित सरोदे,तालुका अध्यक्ष आशिष बोरोले,जिल्हा संपर्क प्रमुख नितिन जाधव यांनी निवेदन देऊन मागणी केली आहे.
उर्जामंत्र्यांना लिहलेल्या निवेदनात शेतकऱ्यांची सध्याची परिस्थिती कोरोना महामारी,अचानक झालेली अतिवृष्टी,वादळ यामुळे पिकांचे नुकसान झाल्यामुळे अतिशय नाजुक झालेली आहे.यामुळे शेतकरी संकटात सापडला आहे.म्हणून त्यांचे कृषीपंपावरील संपुर्ण वीज बील माफ करावे तसेच कृषिपंपाची वीज तोडणी तात्काळ थांबवावी अशी मागणी भूमिपुत्र शेतकरी संघटनेतर्फे निवेदनाद्वारे केली आहे.
फोटो-कृषीपंपावरील संपुर्ण वीज बील माफ करण्याबाबतचे निवेदन देतांना जिल्हाध्यक्ष जितेंद्र सरोदे,अमित सरोदे,आशिष बोरोले आदी
