कुणी तिकीट देवो अगर ना देवो ही पब्लिक नाथाभाऊंच्या मागे
रावेर – आपण राजा असून कुणाची आवडती किंवा नावडती राणी असते . अनेक चौकश्या आपल्या झाल्या मात्र काहीच निसपन्न झाले नाही .आम्ही कधी चोऱ्या केल्या नाही .कुणी तिकीट देवो अगर ना देवो ही पब्लिक नाथाभाऊंच्या मागे असून कार्यकर्ते हीच नाथाभाऊंची खरी ताकद असल्याचे परखड मत माजी मंत्री एकनाथराव खडसे यांनी रावेर येथील भाजपाच्या विधानसभा विस्तृत चिंतन बैठकीत केले .
यावेळी आमदार हरिभाऊ जावळे, जि प उपाध्यक्ष नंदकिशोर महाजन, माजी जि प सभापती सुरेश धनके, सावदा नगराध्यक्ष अनिता येवले, रावेर पं स उपसभापती अनिता चौधरी, भाजप जिल्हा उपाध्यक्ष पद्माकर महाजन, भाजप तालूकाध्यक्ष सुनिल पाटील, माजी सभापती मिलींद वायकोळे, जि प सदस्य कैलास सरोदे, रंजना पाटील, नंदा पाटील आदी उपस्थित होते.
माझे हितचिंतक मला सांगतात कि तुमच्यावर अन्याय होत असेल तर इथे राहू नका . एवढा अपमान सहन कशाला करता. भाजपलाच जास्तीत जास्त ४० हजार नव्हे तर ८० हजार मताधिक्याने विजयी करून पक्षांतर्गत व पक्षाबाहेरील विरोधकांना चपराक द्या असा टोला त्यांनी हाणला .
नाथाभाऊ पक्षासाठी आणि जनतेच्या विकासाठी कार्य करत आलो आहे मात्र अनेकांनी कंपनी आणि कॉलेज अनेकांनी उभी केली आहे. ती आपण केली नाही.
आपल्या भागातील मंजूर झालेले इंजिनियरींग कॉलेज, हॉर्टीकल्चर कॉलेज गेले या नुकसानीचे शल्य आहे. एवढे झालेवरही मी म्हणतो भाजपल मत द्या, असे आवाहन करून यांना नाथाभाऊंची किंमत कळू द्या असेही ते म्हणाले.
