काँग्रेसच्या पहिल्या यादीत रावेर मतदार संघातून शिरीषदादा चौधरी यांचे नाव जाहीर !

रावेर(प्रतिनिधी)- जागा वाटप व उमेदवार जाहीर करण्यात काँग्रेस पक्षाने आघाडी घेत पहिल्याच यादीत रावेर मतदार संघातून माजी आमदार शिरीषदादा चौधरी यांचे नाव जाहीर करण्यात आले आहे.शिरीषदादा यांचे नाव जाहिर झाल्याने मतदार संघातील कार्यकर्त्यांमध्ये उत्साह संचारला आहे.

 रावेर मतदार संघातून निवडणूक लढविण्यासाठी माजी आमदार शिरीषदादा चौधरी यांनी मतदार संघात जोरदार मोर्चे बांधणी केली असून त्यांचा मतदार संघातील तडागाळतील जनतेशी थेट संपर्क आहे. मतदार संघातील प्रत्येक गावातील नागरिकांशी नावानिशी ते ओळखतात त्यामुळे रावेर मतदार संघात शिरीषदादांची पकड कायम असल्याचे जाणकारांचे म्हणणे आहे. काँग्रेस पक्षाकडून नाव जाहीर होण्या अगोदरच शिरीषदादा यांनी संपूर्ण मतदार संघ पिंजून काढला असून मतदारांचा प्रचंड प्रतिसाद त्यांना मिळत आहे.