जळगाव, प्रतिनिधी – विधानसभेच्या निवडणुकीसाठी राष्ट्रवादी काँग्रेस व काँग्रेस पक्षाची आघाडी झाली असून जळगाव जिल्ह्यातील जळगाव व रावेर ची निवडणूक काँग्रेस पक्षातर्फे लढविण्यात येणार आहे. जळगाव शहर मतदार संघातून पुन्हा डॉ. राधेश्याम चौधरी यांना उमेदवारी मिळावी अशी अपेक्षा सर्व सामान्य नागरीकासह निष्ठावान कार्यकर्त्यांत व्यक्‍त होत आहे.
जिल्ह्यासह जळगाव महानगर पालिका क्षेत्रात काँग्रेस पक्षाचा प्रभाव कमी होत असल्याचे आता पर्यंत झालेल्या स्थानिक स्वराज्य संस्था निवडणूक असो की, लोकसभा निवडणुकीच्या निकाला वरून स्पष्ट होते. जळगाव महानगरात काँग्रेस पक्षाचे कार्य सिध्द करण्यासाठी सातत्याने महानगराध्यक्ष डॉ. राधेश्याम चौधरी यांनी रस्ते, पाणी आदी नागरीकांच्या प्रश्‍नाला वाचा फोडण्यासाठी जिल्हाधिकारी, आयुक्‍त यांना निवेदन देऊन तीव्र आंदोलन केले. त्यांच्या पाठपुराव्यामुळे प्रशासनाने दखल घेऊन नागरीकांच्या समस्या सोडविल्याने डॉ. राधेश्याम चौधरी यांनी सर्व सामान्य नागरीकांची मने जिंकली आहे. डॉ. चौधरी उच्च शिक्षीत असून वैद्यकीय सेवेच्या माध्यमातून त्यांचा जन संपर्क मोठा आहे. काँग्रेस पक्षातर्फे जळगाव शहर मतदार संघातून पुन्हा डॉ. राधेश्याम चौधरी यांना उमेदवारी मिळावी अशी चर्चा सर्व सामान्य नागरीकासह निष्ठावान कार्यकर्त्यांत होत आहे. डॉ. चौधरी यांना उमेदवारी मिळाल्यास ते भाजप उमेदवाराला चांगली लढत देऊ शकतील अशी चर्चा जळगावकरांत होत आहे.
