मुक्ताईनगर : येथील उपजिल्हा रुग्णालयात आमदार निधीतून व्हेंटिलेटरच्या धर्तीवर रुग्णांसाठी संजीवनी ठरणाऱ्या ४ बाय पॅप मशीनचे आमदार चंद्रकांत पाटील यांच्या हस्ते लोकार्पण करण्यात आले या चारही बाय पॅप मशीनची अंदाजीत किंमत तीन लक्ष रुपये पर्यंत आहे.
यांची होती उपस्थिती…
आमदार चंद्रकांत पाटील यांचेसह उपजिल्हा रुग्णालयाचे वैद्यकीय अधीक्षक डॉ. योगेश राणे पोलीस निरीक्षक सुरेश शिंदे, शिवसेना तालुकाप्रमुख छोटू भोई, डॉ. दिलीप तायडे, शहर प्रमुख राजेंद्र हिवराळे, शहर संघटक वसंत भलभले, नगरसेवक संतोष मराठे, माजी भारतीय विद्यार्थी सेना तालुका प्रमुख कमलेश जैन , गायत्री मेडिकलचे संचालक सुनील उदे, जैन मेडिकलचे संचालक नितीन जैन, तानाजी पाटील, शुभम शर्मा, स्वीय सहायक प्रवीण चौधरी, प्रशांत पाटील आदिंसह पदाधिकार्यांची उपस्थिती होती.
” व्हेंटिलेटरचाच हा एक प्रकार आहे काही अत्यवस्त रुग्णांवर याबाबत सदरील मशीन ची नितांत गरज होती आमदार साहेबांकडे यांची मागणी केली होती त्यांनी तात्काळ आमदार निधीतून चार आणि जिल्हा शल्यचिकित्सक, जळगांव यांच्याशी भ्रमणध्वनी वरून आमदार साहेबांनी चर्चा करीत त्यांच्यामार्फत चार असे आजपर्यंत एकूण आठ बाय पॅप मशीन उपलब्ध करून दिल्याने मृत्युच्या उंबरठ्यावरील रुग्णांना वाचविणे सहज शक्य होईल असे उपजिल्हा रुग्णालयाचे वैद्यकीय अधीक्षक डॉक्टर योगेश राणे यांनी आमदारांचे विशेष आभार मानून सांगितले.”
” व्हेंटिलेटर च्या पूर्वी हे काम करतात त्यामुळे रुग्णांना वाचवण्यासाठी हे खूप फायदेशीर असल्याचा डॉक्टर राणे यांनी सांगितल्याने तात्काळ जिल्हासिव्हिल सर्जनशी बोलून चार बाय पॅप मशीन येथे उपलब्ध करून दिले तसेच आमदार निधीतून सुद्धा चार उपलब्ध केले आहे त्यामुळे येथे एकत्रित ८ बाय पॅप मशीन उपलब्ध झाल्याने मृत्यूच्या दाढेतून रुग्णांना रुग्णांना खेचण्यासाठी व त्यांना नवसंजीवनी देण्यासाठी हे खूप महत्त्वपूर्ण ठरणार आहे.तसेच येथील आरोग्य टीमही खूप छान कार्य करीत आहे. त्यांना रुग्णांच्या उपचारार्थ जे जे हवे असेल ते उपलब्ध करून देण्यास आमची प्राथमिकता असून त्यासंदर्भात प्रयत्नही करीत आहोत असे आमदार चंद्रकांत पाटील यांनी सांगितले.
