मुक्ताईनगर | आमदार चंद्रकांत पाटील यांची फेसबुकवर बदनामी करणारी पोस्ट टाकण्यात आली. याबाबत शिवसेना शाखा प्रमुख गणेश अशोक टोंगे ( रा. मुक्ताईनगर) यांनी पोलीस स्थानकात फिर्याद दिली आहे. त्यानुसार गुन्हा दाखल करण्यात आला आहे.
काय आहे नेमका प्रकार?
गणेश टोंगे यांनी दिलेल्या फिर्यादीत म्हटले आहे की, त्यांना काल रात्री सव्वाआठच्या सुमारास तालुक्यातील तालखेडा येथील दीपक गजानन वाघ या शिवसेनेच्या कार्यकर्त्याने फेसबुकवर आमदार चंद्रकांत पाटील यांची बदनामी करणारी पोस्ट टाकण्यात आल्याची माहिती दिली. याबाबत माहिती घेतली असता, अशोक गावंडे नावाच्या फेसबुक प्रोफाईलवर हा प्रकार घडल्याचे दिसून आले.
मुक्ताईनगर तालुक्यातील भोटा आणि कोहाळा येथील भाजप आणि राष्ट्रवादीच्या कार्यकर्त्यांनी नुकताच शिवसेनेत प्रवेश घेतला आहे. या पक्ष प्रवेशा प्रसंगीच्या फोटोवर अशोक गावंडे याने डुकरे, ससे आदींसह अन्य प्राण्यांचे फोटो टाकून ते आपल्या प्रोफाईलवरून शेअर केल्याचे दिसून आले. यासोबत आमदार पाटील यांच्या फोटोवरही हाच प्रकार करण्यात आल्याचे निदर्शनास आले. यामुळे आमदार चंद्रकांत पाटील आणि शिवसेनेच बदनामी झाल्याच्या कारणावरून गणेश अशोक टोंगे यांनी मुक्ताईनगर पोलीस स्थानकात फिर्याद दिली.
या नुसार अशोक गावंडे ( रा. मुक्ताईनगर) याच्या विरोधात रात्री उशीरा भादंवि कलम ५०० अंतर्गत गुन्हा दाखल करण्यात आला आहे. या प्रकरणाचा पुढील तपास पोलीस निरिक्षक राहूल खताळ यांच्या मार्गदर्शनाखाली सुरू आहे.
हे देखील वाचा :
‘गहरेयां’ रिलीज होताच दीपिका पदुकोण आणखीनच बोल्ड झाली, पहा बिकिनी फोटोशूट
स्मार्ट टीव्ही खरेदी करण्याचा विचार करताय? Flipkart वर या टीव्हीवर मिळतेय मोठी सूट
‘या’ महिन्यापासून राज्यातील निर्बंध शिथिल होणार, पण ..राजेश टोपेंची माहिती
