नवी दिल्ली : महिलांविरोधातील गुन्ह्यांचा सामना करण्यासाठी कायदा कडक करण्याची मोहीम अनेक वर्षांपासून सुरू आहे. अनेक बदलही झाले आहेत, पण महिलांविरुद्धच्या वेदनादायक घटना समोर येत आहेत. पुन्हा एकदा 13 वर्षांच्या निष्पाप मुलीला एक-दोन नव्हे तर 80 जणांनी लैंगिक शोषणाची शिकार बनवलं आहे. आंध्र प्रदेशातील गुंटूरमध्ये ही धक्कादायक घटना घडली आहे. या प्रकरणी पोलिसांनी 74 आरोपींना अटक केली आहे.
आठ महिन्यांत अनेकदा बलात्कार
टाईम्स ऑफ इंडियाच्या वृत्तानुसार, 13 वर्षांच्या मुलीला गेल्या आठ महिन्यांत आंध्र प्रदेश आणि तेलंगणामधील वेगवेगळ्या वेश्यालयात पाठवण्यात आले होते. अल्पवयीन मुलीवरील बलात्कार प्रकरणात सुमारे 80 जणांना आरोपी बनवण्याची ही राज्यातील पहिलीच वेळ आहे.
74 जणांना अटक
आंध्र प्रदेशातील गुंटूर जिल्ह्यात एका अल्पवयीन मुलीवर बलात्कार केल्याप्रकरणी पोलिसांनी मंगळवारी आणखी 10 आरोपींना अटक केली. यासह गुंड, दलाल आणि ग्राहकांसह अटक केलेल्या आरोपींची संख्या 74 झाली आहे.
अनाथ दत्तक घेतले, नंतर विकले
या मुलीची कहाणी एवढी वेदनादायी आहे की, ऐकणाऱ्यांनाही अश्रू येऊ शकते. बातमीनुसार, पोलिसांनी सांगितले की, अल्पवयीन मुलीला एका महिलेने दत्तक घेतले होते. वास्तविक, जून 2021 मध्ये मुलीच्या आईला कोरोना झाला होता. त्यामुळे तिला रुग्णालयात दाखल करण्यात आले. महिलेची मुलीच्या आईशी मैत्री होती. कोविड-19 मुळे मुलीच्या आईचा मृत्यू झाला आणि मुख्य आरोपी स्वरण कुमारीने तिला दत्तक घेतले.
त्यानंतर त्याने मुलीला वेश्याव्यवसाय करण्यास भाग पाडले. ऑगस्ट 2021 मध्ये, मुलीच्या वडिलांनी तक्रार दाखल केल्यानंतर, पोलिसांनी कारवाई केली आणि मुलीचा शोध घेतला. या प्रकरणातील सहा आरोपी फरार आहेत.
