मुंबई– जर माझी आमदारपदी नियुक्ती झाली नाही तर मी केस करेल असा इशाराच प्रसिद्ध गायक आनंद शिंदे यांनी आज राज्यपालांना दिला आहे.प्रसिद्ध गायक आनंद शिंदे आणि राष्ट्रवादीचे नेते यांनी नुकतीच शिवसेना पक्षप्रमुख उद्धव ठाकरे यांची भेट घेतली. त्यानंतर त्यांनी एका खासगी वृत्त वाहिनीशी बोलतांना हे विधान केलं आहे.
महाविकास आघाडी सरकार असतांना ठाकरे सरकाने १२ आमदारांची यादी दिली होती मात्र सरकार कोसळल्यानंतर नव्याने आलेल्या शिंदे सरकारने जुनी यादी रद्द करण्यासाठी राज्यपाल यांना पत्र दिले होते त्यानुसार राज्यपालानी त्या बारा आमदारांची यादी रद्द केली होती. दरम्यान नव्याने आलेल्या शिंदे सरकारने नवीन यादी दिली आहे. त्यावर पत्रकारांशी बोलतांना सुप्रसिद्ध गायक मिलिंद शिंदे म्हणाले की,
राज्यपालांना १२ आमदारांची कुणीही लिस्ट देऊ द्या, मी निकषात बसतो. पहिलेही सरकार निकषातच बसणारे आणि बाबासाहेबांच्या कायद्यात बसणारे होते. ते सरकारही अडीच वर्षे होते. त्या सरकारने जी नावे दिली त्यात मी निकषात बसतो. आताही मी निकषातच बसणार आहे, राज्यपालांना उत्तर द्यावेच लागणार आहे. जर माझे १२जणांच्या यादीत नाव नसेल तर पहिल्या यादीनुसारच त्यांना नियुक्ती करावी लागेल. जर माझी आमदारपदी नियुक्ती झाली नाही तर मी केस करेल असा इशाराच प्रसिद्ध गायक आनंद शिंदे यांनी आज दिला आहे.
आनंद शिंदे म्हणाले, शिवसेनेचे दसरा मेळाव्याच्या आत नवीन गाणे ऐकायला मिळणार आहे. ते ऐकल्यानंतर तुम्ही ठरवा ते कसे झाले. उद्या किंवा परवा सकाळी हे गाणे रिलीज होणार आहे. उद्या या गाण्याचे टीझरच बाहेर काढतो असंही ते यावेळी बोलत होते.
