जळगाव, (प्रतिनिधी)- अखेर भारतीय जनता पक्षाची महानगर पालिकेतील सत्ता मोडीत काढत शिवसेने बहुमताचा 38 चा आकडा पार करत महापालिकेवर भगवा फडकवला असून महापौर पदी सौ. जयश्री महाजन असतील स्पष्ट झालं आहे.
शिवसेनेच्या कार्यर्त्यांमध्ये एवढा विश्वास होता की महानगर पालिका महापौर, उपमहापौर निवड प्रक्रिया सुरू असतांनाच निवडीचे बॅनर शहरात ठिकठिकाणी झळकावले आहे.
शहरातील काही ठिकाणी शिवसेना कार्यकर्ते विराज कावडिया यांनी जयश्री महाजन व कुलभूषण पाटील यांच्या निवडीचे फलक लावले आहे. ‘भगवा फडकला ‘अशा शब्दात असलेले बॅनर झडकल्याने महानगर पालिकेवर भगवा फडकणार हे निश्चित मानले जात होते.
