नंदुरबार, (प्रतिनिधी)- नंदुरबार जिल्हा शल्य चिकित्सक डॉ. रघुनाथ भोये यांची बदली झाली असून तसे आदेश आज दि.8 ऑक्टोबर 2021 रोजी अवर सचिव चंद्रकांत वडे यांनी काढले आहेत.तर सेंट जॉजेस रुग्णालय येथील वैद्यकीय उपअधीक्षक डॉ. चारुदत्त शिंदे यांची नंदुरबार जिल्हा शल्यचिकित्सक पदी पदस्थापना करण्यात आली आहे.
नंदुरबार जिल्हा शल्य चिकित्सक डॉ. रघुनाथ भोये यांची आहार सेवा प्रकरणात, अनियमितता,गैरव्यवहार झाल्या प्रकरणी, स्वछता निविदा प्रकरणात मर्जीतल्या कंत्राटदार संस्थेला मदत केल्या प्रकरणासह इतर प्रकरणातील तक्रारिंची चौकशी होईपर्यंत डॉ. रघुनाथ भोये यांची बदली करण्यात यावी अशी मागणी होतीच असं असतांना आज शासनाने डॉ.भोये यांची बदली आदेश काढले आहे.
डॉ. रघुनाथ भोये यांची आज बदली करण्यात आली असली तरी सद्यस्थीत पदस्थापना देण्यात आली नसून पद स्थापनेकारिता स्वतंत्र आदेश काढण्यात येणार असल्याचे बदली आदेशात नमूद आहे.
