मुंबई, (प्रतिनिधी)- उद्योगपती मुकेश अंबानी यांच्या अँटेलिया बंगल्या जवळ स्कॉर्पिओ गाडीत स्फोटकं ठेवल्या प्रकरणी तब्बल 13 तासांच्या चौकशीनंतर एपीआय सचिन वाझे यांना NIA कडून अटक करण्यात आली आहे.
अखेर 13 तासांच्या चौकशी नंतर श्री वाझे यांना अटक करण्यात आली आहे. मुकेश अंबानींच्या बंगल्या बाहेरील स्कॉर्पिओ गाडीमध्ये स्फोटकं ठेवल्याच्या प्रकरणी व मनसुख हिरेन मृत्यू प्रकरणी श्री.वाझे हे एटीएस आणि एनआयएच्या रडारवर होते. अखेर ‘एनआयए’ कडून चौकशीनंतर सचिन वाझे यांना अटक करण्यात आली आहे.
याप्रकरणी महाराष्ट्र भाजपा ने ट्विट करून म्हटलं आहे की मनसुख हिरेन मृत्यूप्रकरणी त्यांच्या पत्नीने केलेले आरोप, पुरावे नष्ट करण्याचा प्रयत्न झाल्याचे ATSचे मत आहे.या पार्श्वभूमीवर वादग्रस्त पोलिस अधिकारी सचिन वाझे यांना NIA कडून अटक झाली आहे. हिरेन कुटुंबाला न्याय मिळेपर्यंत संघर्षाचा शब्द भाजपाने पाळलाय. सत्य सर्वांसमोर येईलच.
