लोहारा ग्रामपंचायत येथे चक्रधर स्वामी यांचे प्रतिमेचे पुजन व अवतार दिन उत्साहात साजरा

लोहारा ता. पाचोरा जि. जळगाव (रिपोर्टर ईश्वर खरे)
येथील ग्रामपंचायत मध्ये श्री चक्रधर स्वामी यांची प्रतिमा भेट देऊन प्रतिमेचे पुजन श्री आण्णा चौधरी यांच्या हस्ते करण्यात आले. यावेळी सरपंच अक्षयकुमार जैस्वाल,तंटामुक्त अध्यक्ष अमृत चौधरी ग्रा. प. सदस्य आबा चौधरी, ईश्वर देशमुख, अशोक क्षिरसागर, अर्जुन पाटील, देविदास जाधव, सुरेश चौधरी, सुरेश मोरे, गोपाल पांढरे, नाना चौधरी किशोर चौधरी, तात्या चौधरी, भैय्या चौधरी कमलाकर गुजर, समाधान गोंधळ, धोडुआप्पा डावरे, लंकेश चौधरी, पप्पू भोसांडे, महेंद्र शेळके, इ उपस्थित होते. तसेच गावातील महानुभाव पंथीय उपदेशी भक्तगण मंडळी कडून गावातील सर्व शासकीय कार्यालयाला प्रतिमा भेट देण्यात आली.

दत्त मंदिर येथे अवतार दिन उत्साहात साजरा
येथील श्री दत्त मंदिर संस्थान येथे श्री चक्रधर स्वामी अवतार दिन मोठ्या उत्साहात साजरा करण्यात आला. यावर्षी चक्रधर स्वामी यांच्या 803 वा अवतार दिन मोठ्या उत्साहात साजरा करण्यात आला यावेळी गावातील प्रतिष्ठित शेतकरी प्रकाश पाटिल यांचे लहान बंधू सुनील पाटील यांच्या कडून प्रसादाचा कार्यक्रम आयोजित करण्यात आला होता. तसेच सुनील पाटील यांचा सत्कार भगवान पाटील. यांनी केला. यावेळी गावासह परिसरातील महानुभाव पंथीय उपदेश मंडळी, भक्तगण उपस्थित होते.