पाचोरा (प्रतिनिधी) पाचोरा-भडगाव मतदारसंघात मा.आ.भाऊसो दिलीप ओंकार वाघ हे 3 ऑक्टोबर गुरुवार रोजी 12 वा. आपल्या हजारो समर्थकांसह राष्ट्रवादी काँग्रेस पक्षाचा उमेदवारी अर्ज दाखल करणार आहेत.
यासाठी मानसिंगका मैदान,राजीव गांधी टाऊन हॉल समोर जाहीर सभेचे आयोजन करण्यात आले आहे.सभेसाठी व उमेदवारी अर्ज दाखल करण्यासाठी विधानसभेचे माजी सभापती अरुणभाई गुजराथी,अल्पसंख्याक प्रदेश अध्यक्ष गफ्फारभाई मलिक, महाराष्ट्रातील मुलूखमैदान तोफ प्रा. यशवंत गोसावी आदी उपस्थित राहणार आहेत.तरी सभेला जास्तीत जास्त कार्यकर्त्यांनी उपस्थित रहावे असे आवाहन राष्ट्रवादी काँग्रेस पक्षातर्फे करण्यात आले आहे.
