पुणे : प्रेयसीच्या त्रासाला कंटाळून प्रियकराने आत्महत्या केल्याची धक्कादायक घटना पुण्यातील पिंपरीमध्ये घडलीय. विकास विलास माळवे (वय २७) असे आत्महत्या केलेल्या तरुणाचे नाव आहे. आत्महत्येपूर्वी त्याने सुसाईड नोट लिहून ठेवली आहे. त्यात प्रेयसी त्रास देत असल्याचं लिहून ठेवले आहे. वाकड पोलिसांनी याबाबत माहिती दिली आहे.
पोलिसांनी दिलेल्या माहितीनुसार, गेल्या वर्षाभरापासून विकास आणि संबंधित महिलेचे विवाहबाह्य संबंध होते. संबधित महिलेचा पती तिच्यासोबत रहात नसून तो मुंबई येथे असल्याची माहिती मिळाली आहे. तसेच या महिलेला दोन मुली देखील आहेत. विकास हा एका व्यावसायिक असून, छोटा मोठा व्यवसाय करून तो त्याचे घर चालवत होता. मात्र, संबंधित महिला ही त्याच्याकडे घर चालवण्यासाठी पैशांची मागणी करायची.
“तसेच तू जर कुणाशी विवाह केला तर तुझी तक्रार थेट पोलिसांत करेन त्यामुळे मी असं काही करायच्या आत तू माझ्या सोबत येऊन रहा”, अशी मागणी ती विकासकडे करू लागली. तिची ही मागणी वारंवार वाढल्याने विकासाला याचा मानसिक त्रास होऊ लागला.
या त्रासाला कंटाळून अखेर त्याने गळफास घेऊन आत्महत्या केली आहे. आत्महत्येपूर्वी त्याने सुसाईड नोट लिहून ठेवली होती. त्यात याचe उल्लेख करण्यात आला आहे. ती प्रेस नोट पोलिसांनी जप्त केली आहे. या प्रकरणाचा अधिक तपास वाकड पोलrस करत आहेत.
