जळगाव – जलसंपदामंत्री गिरीश महाजन यांना जळगाव जिल्ह्याचे पालकमंत्री पद देण्यात आले असून त्यांच्याकडे नाशिकचे पालकमंत्री पदही कायम ठेवण्यात आले आहे . तर महसूलमंत्री चंद्रकांत पाटील यांना पुण्याचे पालकमंत्रिपद देंण्यात आल्याचे राज्याचे सहसचिव माधव वा. गोडबोले यांनी राज्याचे राज्यपाल यांच्या आदेशानुसार शासनाचे परिपत्रक काढले आहे त्यात हि माहिती देण्यात आली आहे.
महसूल मंत्री चंद्रकांत पाटील यांच्याकडे कोल्हापूर आणि जळगाव जिल्ह्याचे पालकमंत्रिपद देण्यात आले होते . मात्र जळगाव जिल्ह्यात नियोजन बैठक यासह विविध कार्यक्रमाना पालकमंत्री या नात्याने चंद्रकांत पाटील गैरहजर राहत असल्याने याबाबत जळगावकरांमध्ये नाराजी होती . मात्र आता त्यांना पुणे जिल्ह्याचे पालकमंत्रिपद देण्यात आल्याने आणि स्थानिक मंत्री ना. गिरीश महाजन यांच्याकडे जिल्ह्याचे पालकमंत्रिपद देण्यात आल्याने नागरिकांच्या अपेक्षा वाढल्या आहेत . तसेच आगामी निवडणुकांचे नियोजन डोळ्यासमोर ठेऊन उत्तर महाराष्ट्रातील लोकसभेच्या आठही जागा जिंकण्याचे नेतृत्व करणाऱ्या ना. गिरीश महाजन यांना पालकमंत्रिपद देण्यात आल्याचीही चर्चा आहे . ना. महाजन हे स्थानिक असल्याने जळगाव जिल्ह्यातील रखडलेली विकास कामे मार्गी लागण्याच्या अशा पल्लवित झाल्या आहेत
