जळगाव : जळगाव जिल्हा दूध संघ निवडणुकीत एकनाथ खडसे यांच्या पॅनलचा दारुण पराभव झाला आहे. विशेष म्हणजे मुक्ताईनगरमध्ये एकनाथ खडसे यांच्या पत्नी मंदा खडसे यांचा भाजपचे आमदार मंगेश चव्हाण यांनी पराभव केला होता. खडसे यांच्या पराभवानंतर मंत्री गिरीश महाजन यांनी एकनाथ खडसे यांच्यावर जोरदार हल्लाबोल केला होता. त्यानंतर आता भाजप आमदार मंगेश चव्हाण यांनी या निवडणुकीबाबत मोठा गौप्यस्फोट केला आहे.
नेमकं काय म्हणाले मंगेश चव्हाण?
मंगेश चव्हाण यांनी जळगाव जिल्हा दूध संघाच्या निवडणुकीबाबत मोठा गौप्यस्फोट केला आहे. निवडणुकीपूर्वी मला अनेक राष्ट्रवादीच्या लोकांचा फोन आला. त्यांनी मला सांगितलं की कोणाला सांगू नका, खडसे राष्ट्रवादीत आल्याने आमचा ताण वाढला आहे. खडसे यांचा पराभव करा असं मंगेश चव्हाण यांनी एकनाथ खडसे यांचं नाव न घेता म्हटलं आहे.
मुक्ताईनगर तालुक्यातील कुऱ्हा येथील ग्रामपंचायत निवडणुकीच्या पार्श्वभूमीवर आयोजित मेळाव्यासाठी भाजपचे आमदार मंगेश चव्हाण उपस्थित होते. त्यावेळी ते बोलत होते.
हे सुद्धा वाचा..
आंतरधर्मीय लग्न करण्याच्या तयारीत असाल तर सावधान.. याबाबत राज्य सरकारने घेतला ‘हा’ मोठा निर्णय…
पुढील काही तासात राज्यातील अनेक जिल्ह्यात मुसळधार ; जळगाव कशी आहे पावसाची स्थिती?
अशी संधी पुन्हा मिळणार नाही! राज्यातील पोलीस खात्यात 18334 पदांची बंपर भरती (आज शेवटची संधी..)
जळगाव जिल्ह्यातील ‘या’ १४० ठिकाणी १८ व २० डिसेंबर रोजी मद्यविक्रीला बंदी !
“चुकीच्या मार्गाने पैसे कमवले तर ईडी लागते आणि ती कशी लागते, त्याचे काय परिणाम होतात हे आपण पाहत आहोत,” असं सांगत आमदार मंगेश चव्हाण यांनी राष्ट्रवादी काँग्रसचे ज्येष्ठ नेते एकनाथ खडसे यांना टोला लगावला. “आमचा उमेदवार कोण आहे तर तो वारकरी आहे. तो पैशाने जरी श्रीमंत नसला तरी मात्र आशीर्वादाने तो श्रीमंत आहे.” असं म्हणत भाजपचे आमदार मंगेश चव्हाण यांनी एकनाथ खडसे यांच्यावर निशाणा साधला
