School Girl Rape Case – तिसरीतील विद्यार्थिनीवर शाळेच्या टॉयलेट मध्येच… महाराष्ट्र हादरला!

School Girl Rape Case – यवतमाळ जिल्हा परिषद शाळेत तिसरीत शिकणाऱ्या मुलीवर वर्गातीलच मुलाने बाथरूममध्ये अत्याचार केला; वर्गातील मुलीचीही मदत.

School Girl Rape Case: तिसरीतील विद्यार्थिनीवर वर्गमित्राचा अत्याचार, सहाध्यायी मुलीचीही मदत

यवतमाळ जिल्ह्यातील बाभूळगाव तालुक्यातील एका गावात जिल्हा परिषद शाळेत शिकणाऱ्या तिसरीतील मुलीवर तिच्याच वर्गातील ९ वर्षांच्या मुलाने बाथरूममध्ये अत्याचार केल्याची धक्कादायक घटना घडली आहे. या घटनेत वर्गातीलच आणखी एका मुलीने मदत केल्याचे तपासात निष्पन्न झाले आहे. या प्रकरणी पोलिसांनी पॉक्सो कायद्याअंतर्गत गुन्हा नोंदवून दोघांनाही बालसुधारगृहात पाठवले आहे.

१ ऑगस्ट रोजी दुपारी शाळेत ही घटना घडली. वर्गातील आरोपी मुलाने पीडित मुलीला बाथरूममध्ये नेऊन अत्याचार केला, तर सहाध्यायी मुलीने त्याला मदत केली. पीडित मुलीला जखम झाल्याने तिने आईला हा प्रकार सांगितला.

पोलिसांची कारवाई

पीडित मुलीच्या आईच्या तक्रारीवरून बाभूळगाव पोलिसांनी दोन्ही विधिसंघर्षग्रस्त बालकांविरुद्ध POCSO Act अंतर्गत गुन्हा नोंदवला. आरोपी मुलाला यवतमाळ येथील बाल निरीक्षणगृहात आणि मुलीला अमरावती येथील बाल निरीक्षणगृहात ठेवण्यात आले आहे.

पीडित मुलीची प्रकृती

अत्याचारानंतर पीडित मुलीची तब्येत बिघडल्याने तिला यवतमाळच्या शासकीय रुग्णालयात दाखल करण्यात आले आहे. पोलिस तपास सुरू असून या प्रकरणाने स्थानिक पातळीवर संतापाची लाट उसळली आहे.