म्हणून जास्त उडायचं नसतं! Wait and Watch…” रुपाली चाकणकरांच्या राजीनाम्यावर रोहिणी खडसे यांची 'पोस्ट',राजकारण तापलं

Spread the love

जळगाव | (नजरकैद न्यूज)- राज्य महिला आयोगाच्या अध्यक्षा रुपाली चाकणकर यांच्या तडकाफडकी राजीनाम्यानंतर राजकीय वातावरण अधिकच तापले असून, राष्ट्रवादी शरद पवार गटाच्या महिला प्रदेशाध्यक्ष ऍड.रोहिणी खडसे यांनी सोशल मीडिया प्लॅटफॉर्म X वरून जोरदार प्रतिक्रिया देत थेट इशारा दिला आहे.

ब्रेकिंग : महिला आयोगाच्या अध्यक्षा रुपाली चाकणकरांचा तडकाफडकी राजीनामा

म्हणून जास्त उडायचं नसतं! Wait and Watch…” रुपाली चाकणकरांच्या राजीनाम्यावर रोहिणी खडसे यांची ‘पोस्ट’

रोहिणी खडसे यांनी आपल्या ट्विटमध्ये अप्रत्यक्षपणे टीका करत म्हटले की, “गर्वाचे घर नेहमीच खाली असते हे आता काही लोकांना कळलं असेल… म्हणून जास्त उडायचं नसतं! आता सगळा अहंकार धुळीस मिळेल!” या वक्तव्यामुळे राजकीय वर्तुळात चर्चांना उधाण आले आहे.
कठोर कारवाईची मागणी
रोहिणी खडसे यांनी पुढे राज्य सरकारला थेट आवाहन करत म्हटले की, केवळ महिला आयोगाच्या अध्यक्षांचा राजीनामा घेऊन भागणार नाही, तर या संपूर्ण प्रकरणात जे कोणी संबंधित आहेत त्यांच्यावर कठोरात कठोर कारवाई झाली पाहिजे. त्यांनी मुख्यमंत्री आणि उपमुख्यमंत्री सुनेत्रा पवार यांना विशेष विनंती केली आहे.

“अजून धक्कादायक खुलासे होतील”
या प्रकरणात समोर येणाऱ्या बाबी अत्यंत गंभीर असल्याचे सांगत खडसे यांनी “आणखी काही गोष्टी बाहेर पडतील… Wait and Watch…” असा सूचक इशाराही दिला. त्यामुळे येत्या काळात या प्रकरणात आणखी मोठे खुलासे होण्याची शक्यता व्यक्त केली जात आहे.
राजकीय आरोप-प्रत्यारोपांना वेग
दरम्यान, अशोक खरात प्रकरणामुळे आधीच राज्यात संतापाचे वातावरण निर्माण झाले आहे. त्यातच चाकणकर यांच्या राजीनाम्यानंतर विरोधक आक्रमक झाले असून, सत्ताधारी आणि विरोधी पक्षांमध्ये आरोप-प्रत्यारोपांना वेग आला आहे.

https://x.com/i/status/2035035894529564836