भंडाऱ्याचे पालकमंत्री अचानक बदलले ; संजय सावकारे ऐवजी पंकज भोयर यांच्याकडे जबाबदारी

Spread the love

राज्यातील मंत्रिमंडळात आज मोठा बदल करण्यात आला आहे. भंडारा जिल्ह्याचे पालकमंत्री संजय सावकारे यांची अचानक जबाबदारी काढून घेण्यात आली असून त्यांच्या जागी वर्ध्याचे पालकमंत्री पंकज भोयर यांना ही अतिरिक्त जबाबदारी सोपवण्यात आली आहे. या निर्णयामुळे विदर्भातील राजकारणात नवीन चर्चांना उधाण आलं आहे.

पंकज भोयर यांच्याकडे दुहेरी जबाबदारी

आधीपासूनच वर्धा जिल्ह्याचे पालकमंत्री म्हणून काम पाहणारे पंकज भोयर यांनी अल्पावधीतच प्रशासन व विकासकामांमध्ये आपली वेगळी छाप पाडली आहे. त्यांच्या कामकाजाचं स्वतः मुख्यमंत्री देवेंद्र फडणवीस आणि मंत्री चंद्रशेखर बावनकुळे यांनी कौतुक केलं होतं. त्यामुळेच त्यांच्याकडे आता भंडाऱ्याची अतिरिक्त सूत्रे देण्यात आली आहेत.

निर्णयामागील कारणं

संजय सावकारे यांची अचानक बदली का करण्यात आली? हा प्रश्न आता राजकीय वर्तुळात चर्चेचा विषय ठरला आहे.भंडारा जिल्हा त्यांच्या मूळ कार्यक्षेत्रापासून दूर असल्याने वारंवार प्रवास करणे त्यांच्यासाठी अवघड होत होते.काही स्थानिक भाजप नेते सावकारे यांच्या कार्यशैलीवर नाराज होते.पालकमंत्री फक्त ध्वजवंदनापुरते न राहता प्रशासनावर पकड असावी, अशी जिल्ह्यातील जनतेची अपेक्षा होती.

आगामी निवडणुकीचा संदर्भ

भविष्यात होणाऱ्या स्थानिक स्वराज्य संस्थांच्या निवडणुका लक्षात घेऊन हा बदल महत्त्वाचा मानला जात आहे. तरुण चेहऱ्यांना संधी मिळावी आणि प्रशासनाशी अधिक जवळीक साधता यावी यासाठी पंकज भोयर यांच्याकडे जबाबदारी सोपवली असल्याचं मानलं जात आहे.

अपेक्षा आणि प्रतिक्रिया

या बदलामुळे भंडाऱ्यातील प्रलंबित विकासकामांना गती मिळेल, असा स्थानिकांचा विश्वास आहे. दुसरीकडे, संजय सावकारे यांच्या अचानक बदलीमुळे त्यांच्या समर्थकांमध्ये नाराजीची भावना निर्माण झाली आहे.

सरकारी नोकरी कुठे? वाचा –

NIACL Recruitment 2025: न्यू इंडिया ॲश्युरन्स कंपनीत 550 जागांसाठी मेगा भरती; 90,000 रुपये पगाराची संधी

LIC Recruitment 2025: एलआयसीमध्ये ८४१ पदांसाठी भरती सुरू, अर्ज प्रक्रिया जाणून घ्या