तुम्ही घर बांधत असाल किंवा घर बांधण्याचा विचार करत असाल तर ही बातमी तुम्हाला आनंद देईल. होय, सिमेंट कंपन्यांनी दरात कपात केली आहे. नवीन अपडेट अंतर्गत, सिमेंट कंपन्यांनी काही भागात सिमेंटची किंमत 30 रुपयांपर्यंत कमी केली आहे. माहितीनुसार, मागणी नसल्याने सिमेंट कंपन्यांनी दर कमी केले आहेत. किमतीत कपात केल्यामुळे निवडक राज्यातील लोकांना त्याचा लाभ मिळणार आहे.
दक्षिण भारतातील काही राज्यांमध्ये सिमेंट कंपन्यांनी सिमेंटच्या दरात कपात केली आहे. याअंतर्गत आंध्र प्रदेश, तेलंगणा आणि तामिळनाडूमध्ये सिमेंटचे दर खाली आले आहेत. तामिळनाडूमध्ये सिमेंटच्या प्रति बॅग 20 रुपयांची कपात करण्यात आली आहे. तामिळनाडूशिवाय आंध्र प्रदेश आणि तेलंगणामध्येही सिमेंटचे दर खाली आले आहेत. आंध्र प्रदेशातही एका गोणीवर 20 ते 30 रुपयांची कपात झाली आहे. तेलंगणाच्या बाजारातही याच पद्धतीने दर कमी झाले आहेत.
हे पण वाचा..
रावेर लोकसभेच्या उमेदवारीबाबत गिरीश महाजनांचे मोठं वक्तव्य ; काय म्हणाले वाचा..
महिलांनो सावधान, तुमचीही होऊ शकते अशी फसवणूक ; जळगावच्या महिलेला लावला ४२ हजाराचा चुना
राशीच्या लोकांसाठी आजचा दिवस चांगला जाणार ; वाचा आजचं राशीभविष्य
मिळालेल्या माहितीनुसार सिमेंट कंपन्यांनी मागणी कमकुवत झाल्यामुळे दरात कपात केली आहे. मागणी घटल्याने सिमेंट कंपन्यांकडे साठा वाढला आहे. सिमेंट कंपन्यांनी स्टॉक क्लिअर करण्यासाठी किमती कमी केल्या आहेत. कमकुवत मागणीसोबतच स्पर्धा हेही एक मोठे कारण आहे, त्यामुळे सिमेंटच्या किमतीत कपात करण्यात आली आहे. दिल्लीच्या बाजारात सिमेंटचा दर ४०० रुपये प्रति पोती आहे.
