जळगाव (प्रतिनिधी) – जळगांव जिल्हा मराठा विद्या प्रसारक संस्थेचे चेअरमन पदी नीलकंठ काटकर यांची तर चांदसर येथील सरपंच सचिन पवार यांची निवड करण्यात आली आहे.
मविप्र संस्थेचे चेअरमन बापुसो जे.जी. पवार यांचे निधन झाल्याने चेअरमन पद रिक्त झाले होते.संस्थेच्या कार्यकारी मंडळाने संस्थेच्या मुख्य कार्यालयात सभा घेऊन संचालकांनी सर्वानुमते निवड झाल्याचे जाहीर केले. या सभेत सर्व संचालकांनी संस्थेचे नेतृत्व करण्याच्या दृष्टीने आवश्यक असलेल्या बाबींचा विचार करून श्री.निळकंठराव शंकरराव काटकर यांची सर्वानुमते संस्थेच्या चेअरमनपदी निवड केली . तसेच रिक्त झालेल्या संचालक पदी श्री. सचिन पवार ,सरपंच , चांदसर, ता.धरणगाव यांची निवड करण्यात आली . या निवडीनंतर नवनिर्वाचित चेअरमन व संचालक यांचा संस्थेच्या वतीने
संस्थेचे मानद सचिव श्री निलेश भोईटे , व्हा चेअरमन विरेंद्र भोईटे , सर्वश्री. पी एस पाटील , गोकुळ पाटील , एस आर पाटील , जयंत देशमुख , शिवाजी घुले , इत्यादी संचालकांनी तसेच नूतन मराठा महाविद्यायातर्फे प्राचार्य डॉ.श्री . एल पी देशमुख , अमळगाव विद्यालयाचे मुख्याध्यापक श्री. पी .ए. पाटील यांनी सुद्धा त्यांचा सत्कार केला
निवडी बद्दल संस्थेच्या सर्व संचालकानी त्यांना शुभेछा दिल्या. तसेच या निवडीनंतर संस्थेच्या मुख्य कार्यालयात मोठा जल्लोष करण्यात आला.
