जळगाव प्रतिनिधी । जिल्ह्यात गेल्या पंधरवड्यापासून ग्रामीण भागातील लसीकरण मोहिमेला वेग देण्यासाठी शहरातील केंद्रांना मर्यादित स्वरूपात लसींचा पुरवठा करण्यात येत आहे. ग्रामीण भागात मोठ्या प्रमाणावर लस दिली जात आहे. शनिवारी आतापर्यंतचे उच्चांकी 34 हजार लसींचा आकडा मागे टाकत एकाच दिवसात 49 हजार 852 जणांना लस टोचण्याचा उच्चांक नोंदवला गेला. शनिवारी जिल्ह्यातील 9 तालुक्यांत 15 हजार लसींचे वाटप करण्यात आले. त्यातून रविवारी लसीकरण होईल.
जिल्ह्यात शुक्रवारी 43 हजार कोविशील्ड व 4 हजार 900 कोव्हॅक्सिन लसीचे डोस आले होते. ते सर्वच डोस शहराला 3 हजार वगळता ग्रामीण भागाला उर्वरित सर्व या प्रमाणे वाटप करण्यात आले. शहरातील लसीकरण एकूण पात्र लाभार्थींच्या 61 टक्के लसीकरण पूर्ण झाल्याने जिल्हाधिकारी अभिजित राऊत यांनी ग्रामीण भागात लसीकरणावर भर देण्याचे नियोजन केले आहे. त्यानुसार शहराला प्राप्त लसींच्या डोसच्या 10 टक्के लसी देऊन उर्वरित सर्व उर्वरित.पान 4
आज नऊ तालुक्यांतील 60 केंद्रांवर मिळणार लस
जिल्ह्यातील 15 पैकी 9 तालुक्यांतील 60 केंद्रांवर रविवारीही लसीकरण होईल. त्यांना शनिवारी नव्याने प्राप्त झालेल्या 15 हजार लसींच्या डोसचे वाटप करण्यात आले आहे. त्यानुसार अमळनेर, भडगाव, भुसावळ, बोदवड, चोपडा, धरणगाव, एरंडोल, पारोळा, पाचोरा या नऊ तालुक्यांत लसीकरण सुरु राहणार आहे. शहरातील महापालिकेची सर्व लसीकरण केंद्र रविवारी बंद राहणार असल्याचे महापालिकेचे वैद्यकीय अधिकारी डॉ. राम रावलानी यांच्याकडून कळवण्यात आले आहे.
